27 تامىز, 09:57 394 0 ايماق Túrkistan Gazeti

الماتىنىڭ ساين كوشەسىندەگى جول قوزعالىسىنا وزگەرىستەر ەنگىزىلدى

الماتىنىڭ ساين كوشەسىندەگى جىلدامدىق رەجيمىنە  وزگەرىستەر ەنگىزىلدى، دەپ حابارلايدى قازاقپارات ءتىلشىسى.

بۇگىن ساعات 00: 00-دەن باستاپ ءال-فارابي داڭعىلى مەن شىعىس اينالما جولىندا  80 كم/ساع جىلدامدىق  رۇقسات ەتىلدى. تەك باعاناشىل ىقشاماۋدانىنداعى  حودجانوۆا كوشەسىنە دەيىن جانە كىشى جەلتوقسان كوشەسىندە جوعارى جىلدامدىق ساعاتىنا 60 شاقىرىم سول كۇيىندە قالدى. سەبەبى، بۇل ۋچاسكەلەردە قاۋىپتى بۇرىلىستار كوپ.

«ءبىز ساين كوشەسىنىڭ بويىنداعى جول جاعدايى مەن اپاتتار دەڭگەيىنە قوسىمشا تالداۋلار جۇرگىزدىك. ناتيجەسىندە وسى كوشەدە رۇقسات ەتىلگەن جىلدامدىق شەگى 80 شاقىرىمعا  دەيىن ۇلعايتىلادى. «جول قوزعالىسى قاۋىپسىزدىگى» اۆتوماتتاندىرىلعان اقپاراتتىق جۇيەسىنىڭ كامەرالارى تەحنيكالىق قايتا جوندەۋدەن وتكىزىلىپ، جۇمىس كۇنىنىڭ سوڭىنا دەيىن جول بەلگىلەرى اۋىستىرىلادى»، - دەيدى الماتى قالالىق پد اكىمشىلىك پوليتسيا باسقارماسىنىڭ باستىعى جاندوس مۇراتاليەۆ. سونىمەن بىرگە، مەگاپوليس پوليتسياسى جۇرگىزۋشىلەر مەن جۇرگىنشىلەرگە جول ەرەجەلەرىن ساقتاۋ جانە قالا جولدارىنداعى قاۋىپسىزدىك شارالارىن ەسكەرۋ  كەرەكتىگىن ايتتى.

سوڭعى جاڭالىقتار