26 تامىز, 15:20 410 0 جاڭالىقتار Túrkistan Gazeti

دەنساۋلىق مينيسترلىگى وبىردى ەرتە انىقتايتىن جوبانى ىسكە قوستى

قازاقستاننىڭ 5 مەديتسينالىق جوعارى وقۋ ورنى مەن ۇلتتىق ونكولوگيا جانە راديولوگيا زەرتتەۋ ينستيتۋتىندا مەديتسينا عىلىمىنىڭ دامۋىنا سەرپىن بەرەتىن جي (جاساندى ينتەللەكت) الگوريتمدەرىن جەتىلدىرۋ جوباسى ىسكە اسىرىلا باستادى،  دەپ حابارلايدى قازاقپارات ءتىلشىسى.

«دەنساۋلىق ساقتاۋ سالاسىنداعى جاساندى ينتەللەكت: عىلىم + مەديتسينا + ات + قازاقستاندىق الەۋەت = قولدانبالى سيپاتتاعى بىرەگەي شەشىم. 2019 جىلدىڭ شىلدە ايىندا اقپاراتتىق تەحنولوگيالىق گيگانت ءىۆم ونكولوگيالىق اۋرۋلارمەن كۇرەسۋ باعىتىندا جاساندى ينتەللەكتتىڭ ءۇش قۇرالىنا قولجەتىمدىلىكتى قامتاماسىز ەتتى. الگوريتمدەردى پايدالانۋ مەن ونى ارى قاراي جەتىلدىرۋ وبىر اۋرۋىن ەرتەرەك انىقتاپ، ەمدەۋدىڭ جاڭا ادىستەرىن انىقتاۋعا مۇمكىندىك بەرەدى. الگوريتم كەلەشەگى جوق نۇسقالاردىڭ ءبارىن قىرىپ-جويىپ، تەستىلەۋگە كەتەتىن شىعىندى قىسقارتادى»، - دەپ جازادى ۆيتسە-مينيستر ولجاس ابىشەۆ Facebook-تە. ۆيتسە-ءمينيستردىڭ حابارلاۋىنشا، باسقا الگوريتمدەر ماڭىزدى جاڭارتۋلار بويىنشا مەديتسينالىق جۋرنالداردى تالداپ، ءاربىر پاتسيەنت ءۇشىن جەكە كۇتىمدى تاڭدايدى. «اتالعان الگوريتمدەردى پايدالانۋ وبىرمەن عانا ەمەس، باسقا دا قاۋىپتى اۋرۋلارمەن كۇرەسۋگە جول اشادى»، - دەيدى ول. دەنساۋلىق ساقتاۋ مينيسترلىگىنىڭ تسيفرلاندىرۋ كەڭسەسى ي الگوريتمدەرىن پايدالانۋ مەن جەتىلدىرۋ بويىنشا جوبانىڭ تولىققاندى ىسكە قوسىلعانىن جاريالايدى. جوبا قازاقستاننىڭ 5 مەديتسينالىق جوو-سىندا جانە ۇلتتىق ونكولوگيا جانە راديولوگيا زەرتتەۋ ينستيتۋتىندا باستالىپ كەتكەن. ولار:

  • - اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى;
  • - استانا مەديتسينالىق ۋنيۆەرسيتەتى;
  • - قاراعاندى مەديتسينالىق ۋنيۆەرسيتەتى;
  • - سەمەي مەديتسينالىق ۋنيۆەرسيتەتى;
  • - وسپانوۆ اتىنداعى بقو مەديتسينالىق ۋنيۆەرسيتەتى;
  • - قازاق ۇلتتىق ونكولوگيا جانە راديولوگيا زەرتتەۋ ينستيتۋتى.

«اتالعان قۇرالداردى پايدالانۋ مەديتسينا عىلىمىنىڭ دامۋىنا سەرپىن بەرىپ، قاۋىپتى اۋرۋلاردا ەمدەۋدىڭ جاڭا ادىستەرىن دايىنداۋعا سەرپىن بەرەر دەگەن سەنىمدەمىز»، - دەدى ولجاس ابىشەۆ.

سوڭعى جاڭالىقتار