26 تامىز, 11:31 206 0 قاۋىپسىزدىك ءTúrkىstan International Political Weekly

1 جىلدا 2 ملن استام جىلجىمايتىن مۇلىك تىركەلگەن

«ازاماتتارعا ارنالعان ۇكىمەت» جىلجىمايتىن مۇلىكتى تىركەۋ بويىنشا 2 ملن-نان استام ءوتىنىش تىركەدى.

«ازاماتتارعا ارنالعان ۇكىمەت» ءبىر جىلدا جىلجىمايتىن مۇلىكتى تىركەۋ قىزمەتى بويىنشا 2 ملن 30 مىڭنان استام ءوتىنىش تىركەدى.

ستاتيستيكالىق مالىمەتتەرگە سۇيەنسەك، نۇر-سۇلتان جانە الماتى قالالارىنىڭ، سونداي-اق الماتى مەن قاراعاندى وبلىستارىنىڭ تۇرعىندارى جىلجىمايتىن مۇلىكتى تىركەۋ قىزمەتتەرىن ەڭ بەلسەندى الۋشىلار بولىپ وتىر.

اتاپ ايتساق، 2018 جىلدىڭ 30 شىلدەسىنەن باستاپ 2019 جىلدىڭ 31 شىلدەسىنە دەيىن الماتى قالاسى مەن الماتى وبلىسىندا 228 مىڭنان استام ءوتىنىش تىركەلگەن، ەلوردا تۇرعىندارىنان 209 مىڭنان استام جانە قاراعاندى وبلىسىنان 157 مىڭنان استام ءوتىنىش كەلىپ تۇسكەن»، - دەلىنگەن اتالعان ۇيىمنىڭ حابارلاماسىندا.

ال قىزىلوردا (58 مىڭنان استام ءوتىنىش), اتىراۋ (62 مىڭنان استام ءوتىنىش) جانە ماڭعىستاۋ (73 مىڭنان استام ءوتىنىش) وبلىستارىندا جىلجىمايتىن مۇلىكتى تىركەۋ قىزمەتىنە دەگەن سۇرانىس تومەن.

«بۇگىندە جىلجىمايتىن مۇلىكتى قىسقا مەرزىمدە راسىمدەۋگە بولادى. باس-اياعى 3 جۇمىس كۇنى ىشىندە مۇلىگىڭىزدىڭ تىركەلگەنى تۋرالى ءمورتاباسى بار قاجەتتى قۇجات قولىڭىزدا بولادى. دەگەنمەن، ءبىز ازاماتتاردىڭ ءومىر ءسۇرۋ ساپاسىن جاقسارتۋ ماقساتىندا بۇل قىزمەتتى ودان ءارى وڭتايلاندىرىپ، الداعى ۋاقىتتا تىركەۋ ۋاقىتىن 1 كۇنگە دەيىن قىسقارتۋدى جوسپارلاپ وتىرمىز»، – دەيدى مەملەكەتتىك كورپوراتسيا ءتورايىمى اسەمگۇل بالتاشەۆا.

ەستەرىڭىزگە سالا كەتەيىك، جىلجىمايتىن مۇلىكتى تىركەۋ قىزمەتى ادىلەت مينيسترلىگىنىڭ قۇزىرەتىنەن مەملەكەتتىك كورپوراتسياعا 2018 جىلدىڭ 30 شىلدەسىندە بەرىلگەن بولاتىن.

سوڭعى جاڭالىقتار