26 تامىز, 10:05 414 0 ونەر ءTúrkىstan International Political Weekly

لا-مانش بۇعازىن ءجۇزىپ وتكەن انەل سىتدىقوۆا الماتىعا كەلدى

لا-مانش بۇعازىن تۇڭعىش رەت ءجۇزىپ وتكەن قازاقستاندىق ترياتلونشى انەل سىتدىقوۆا قازاقستانعا كەلدى.  

ساناۋلى كۇن بۇرىن قازاقستاندىق بەلگىلى ترياتلونشى انەل سىتدىقوۆا لا-مانش بۇعازىن باعىندىرىپ، تاۋەلسىز مەملەكەتىمىزدىڭ كوك بايراعىن جەلبىرەتكەن بولاتىن. انەل فرانتسيانىڭ سولتۇستىگى مەن بريتان ارالدارىنىڭ وڭتۇستىك-شىعىسىن جالعاپ جاتقان لا-مانش بۇعازىنىڭ 38 شاقىرىمىن 15 ساعات 15 مينۋتتا گيدروكوستيۋم كيمەي ءجۇزىپ ءوتتى. بۇعاز سۋىنىڭ تەمپەراتۋراسى 15-16 گرادۋس ەكەنىن ەسكەرسەك، انەلدىڭ ارەكەتى - ەرلىككە پارا-پار.

ايتا كەتەيىك، قر مادەنيەت جانە سپورت ءمينيسترى اقتوتى رايىمقۇلوۆا بىلاي دەپ ءوزىنىڭ جۇرەك جاردى لەبىزىن ءبىلدىرىپ، العىس حات جولدادى. «ءسىز ەرەكشە دارىنىڭىز بەن ەڭبەكقورلىعىڭىزدىڭ، قايسار، ءورشىل مىنەزىڭىز بەن جەڭىسكە دەگەن قۇلشىنىسىڭىزدىڭ ارقاسىندا ۇلىبريتانيا مەن فرانتسيانىڭ جاعالاۋىنا دەيىن سوزىلىپ جاتقان ايگىلى لا-مانش بۇعازىن ءجۇزىپ ءوتىپ، الەمگە حالقىمىزدىڭ ءور رۋحىن، نامىسىن كورسەتە ءبىلدىڭىز. بۇل - ناعىز قايسار قازاق قىزىنىڭ بيىك بەلەسى. العا قويعان ماقساتتارىڭىزعا قول جەتكىزىپ، جاڭا جەڭىستەر مەن جەتىستىكتەردى باعىندىرا بەرىڭىز» دەلىنگەن العىس حاتتا. 

بۇگىن الماتى حالىقارالىق اۋەجايىندا انەل سىتدىقوۆانى ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ ۇجىمى قوشەمەتپەن قارسى الدى.

سوڭعى جاڭالىقتار