23 تامىز, 15:38 442 0 جاڭالىقتار Túrkistan Gazeti

اسقار مامين اقتوبەدەگى تىگىن تسەحىنان كۇرتە ساتىپ الدى

ۇكىمەت باسشىسى اقتوبەگە ساپارى كەزىندە ارنايى كيىم تىگەتىن تسەح جۇمىسىمەن تانىسىپ، وزىنە كۇرتە ساتىپ الدى، دەپ حابارلايدى قازاقپارات ءتىلشىسى.

جۇمىسشىلار كيىمىن تىگۋگە داعدىلانعان تسەحقا بۇگىن پرەمەر - مينيستر اسقار مامين كىرىپ، وتاندىق ءونىمنىڭ ساپاسىمەن، باعاسىمەن تانىستى.

ۇكىمەت باسشىسى ارالاپ كورگەن «گلوبال سپەتسودەجدا» جشس-ءنىڭ تىگىن تسەحىندا 200-دەن استام ادام جۇمىس ىستەيدى. ونىڭ 30 پايىزى كوپبالالى، از قامتىلعان وتباسى مۇشەلەرى مەن مۇمكىندىگى شەكتەۋلى جاندار. 2004 جىلدان بەرى جۇمىس ىستەيتىن ءوندىرىس ورنى جىلىنا 250 مىڭ كيىم-كەشەك تىگەدى.

«بار بولعانى 18 مىڭ تەڭگە تۇرادى. جۇمىسقا، ىسساپارعا كيەمىن. ساپاسى جاقسى، وزگەلەرگە دە ساتىپ الۋعا كەڭەس بەرەمىن»، - دەدى ۇكىمەت باسشىسى.

تسەح ماتانى كورەيا، رەسەي، تۇركيادان تاپسىرىسپەن الدىرادى. مۇنايشىلار مەن قۇرىلىسشىلار كوپ تاپسىرىس بەرەتىن تسەح كەز كەلگەن ساتىپ الۋشىنىڭ ءوتىنىشىن ورىنداي الادى. ءبىر كيىمدى دە ساتىپ الۋعا بولادى.

«اسقار مامين 54 ولشەمدى كۇرتە ساتىپ الدى. ول ءوز كارتاسىمەن تولەم جاسادى. قۇنىن تومەندەتىپ جازۋ تۋرالى ويىمىزدا بولماعان، بارىنە ورتاق باعامىز وسى. ارنايى كيىمدەر قولجەتىمدى باعادا ساتىلادى»، - كومپانيا وكىلى كسەنيا ماناتوۆا.

سوڭعى جاڭالىقتار