23 تامىز, 13:35 298 0 جاڭالىقتار Túrkistan Gazeti

تانىمال سپورتشى ۋاليحان تەن الماتى اكىمىنىڭ كەڭەسشىسى بولدى

تانىمال قازاقستاندىق سپورتشى ءارى قوعام بەلسەندىسى ۋاليحان تەن الماتى قالاسىنىڭ اكىمى باقىتجان ساعىنتاەۆتىڭ  كەڭەسشىسى بولدى. بۇل تۋرالى قازاقپارات ءتىلشىسى حابارلادى.

ول سپورت بويىنشا اكىمنىڭ شتاتان تىس كەڭەسشىسى بولدى. بۇل تۋرالى ونىڭ  Instagram-داعى پاراقشاسىندا ايتىلدى. ۋاليحان  تەن، 1979 جىلى تۋعان. تەننىڭ ەكى جوعارعى ءبىلىمى بار. ول ەنەرگەتيكا جانە بايلانىس ينستيتۋتىن، سونداي-اق سپورت جانە تۋريزم اكادەمياسىن بىتىرگەن. تەن - پاۋەرليفتينگ بويىنشا الەم، ەۋروپا جانە ازيا چەمپيونى، بوديبيلدينگتەن قر چەمپيونى، ەكى دۇركىن الەم جانە ازيا چەمپيونى، پاۋەرليفتينگ بويىنشا ەۋروپا چەمپيونى. قازىرگى ۋاقىتتا - World Class Almaty فيتنەس-كلۋبىنىڭ باسقارۋشى ديرەكتورى. ول سونىمەن بىرگە WRPF KZ پاۋەرليفتينگ فەدەراتسياسىنىڭ جانە WPC KZ-ءتىڭ پرەزيدەنتى، WRPF-ءتىڭ قازاقستانداعى رەسمي وكىلى. 2018 جىلدىڭ اياعىنان باستاپ، مما ارالاس جاۋىنگەرلىك جەكپە-جەك فەدەراتسياسىنىڭ باس ديرەكتورى. سونداي-اق، ول «Almaty Triathlon Federation» قوعامدىق بىرلەستىگىنىڭ جانە «ءبىرىنشى بولۋ باتىلدىق!» (الماتى مارافونى) كورپوروتيۆتىك قورىنىڭ قامقورشىلىق كەڭەستەرىنىڭ مۇشەسى.

2015 جىلى سپورتشى كوپجىلدىق تاجىريبە نەگىزىندە «درۋگوي تى!» كىتابىن جازدى، وندا دەنە شىنىقتىرۋ، تاماقتانۋ، كۇن ءتارتىبى جانە ت.ب. ساباقتار بويىنشا ۇسىنىستار ايتىلدى.

سوڭعى جاڭالىقتار