22 تامىز, 18:25 309 0 جاڭالىقتار Túrkistan Gazeti

«قازاقستان تەمىر جولى» 2,9 ملرد تەڭگە شىعىن شەكتى

2019 جىلدىڭ ءى جارتىجىلدىعىندا «قازاقستان تەمىر جولى» ۇلتتىق كومپانياسىنىڭ تازا شىعىنى 2,9 ملرد تەڭگەنى قۇرادى. بۇل تۋرالى 7kun.kz حابارلادى.

كومپانيا 2019 جىلعى قاڭتار-ماۋسىمدا سالىق سالعانعا دەيىن 16,8 ملرد تەڭگە پايدا تاپتى، ال 2018 جىلدىڭ ۇقساس كەزەڭىندە 4,1 ملرد تەڭگە شىعىن تىركەلدى.

سونىمەن قاتار، قتج-نىڭ جالپى تابىسى ەسەپتىك كەزەڭدەردە 8%-عا 107,2 ملرد تەڭگەدەن 115,9 ملرد تەڭگەگە دەيىن ارتتى.

2019 جىلدىڭ ءى جارتىجىلدىعىندا كومپانيانىڭ كىرىسى 4,5%-عا ارتىپ، 516,7 ملرد تەڭگەنى قۇرادى.

قتج اكتيۆتەرى جىل باسىنان بەرى ازداپ تومەندەپ، 3,2 ترلن تەڭگەنى قۇرادى. كاپيتال 1,5%-عا 1,2 ترلن تەڭگەگە دەيىن ۇلعايدى.

سونداي-اق، جارتى جىل ىشىندە قتج مىندەتتەمەلەرى 1,4%-عا تومەندەپ، 2 ترلن تەڭگەنى قۇرادى.

سوڭعى جاڭالىقتار