22 تامىز, 18:06 320 0 جاڭالىقتار Túrkistan Gazeti

ماگيستراتۋراعا ءتۇسۋ ءۇشىن كت تاپسىرعانداردىڭ جارتىسىنا جۋىعى گرانتتان ءۇمىتتى

ماگيستراتۋراعا ءتۇسۋ ءۇشىن كەشەندى تەستىلەۋگە قاتىسۋعا 30 579 ءوتىنىش قابىلدانىپ، تەستىلەۋگە 28 131 ادام قاتىسقان. بۇل تەستىلەۋگە ءوتىنىش بەرگەن ازاماتتاردىڭ 92%-ىن قۇرايدى، دەپ حابارلايدى ortcom.kz ءتىلشىسى.

«كەشەندى تەستىلەۋ كەزىندە 217 اۋديتوريا پايدالانىلدى. بارلىق اۋديتوريالار ۇيالى بايلانىس قۇرالدارىنىڭ سيگنالدارىن باسۋ جانە بەينەباقىلاۋ قۇرىلعىلارىمەن قامتاماسىز ەتىلدى»، - دەدى قر ۇلتتىق تەستىلەۋ ورتالىعى ديرەكتورىنىڭ م.ا ديدار سماعۇلوۆ.

ايتۋىنشا، تەستىلەۋ ناتيجەسى بويىنشا 12 853 ۇمىتكەر نەمەسە تەستىلەۋگە قاتىسۋشىلاردىڭ 45,7%-ى مەملەكەتتىك ءبىلىم بەرۋ گرانتى كونكۋرسىنا قاتىسۋعا مۇمكىندىك الدى.

ايتا كەتسەك، وقىتۋ قازاق نەمەسە ورىس تىلىندە جۇرگىزىلەتىن ماگيستراتۋراعا مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن شەكتى بالل كەمىندە 75 بالدى، اقىلى نەگىزدە قابىلداۋ ءۇشىن - كەمىندە 50 بالدى قۇرايدى. بولىمدەر بويىنشا: شەت ءتىلى بويىنشا - كەمىندە 25 بالل، وقۋعا دايىندىعىن انىقتاۋعا ارنالعان تەستىلەۋدەن - كەمىندە 7 بالل، ءار بەيىندى پاننەن - كەمىندە 7 بالل.

ال وقىتۋ اعىلشىن تىلىندە جۇرگىزىلەتىن ماگيستراتۋراعا مەملەكەتتىك ءبىلىم بەرۋ گرانتىن تاعايىنداۋ كونكۋرسىنا قاتىسۋ ءۇشىن شەكتى بالل كەمىندە 50 بالل، اقىلى نەگىزدە قابىلداۋ ءۇشىن – كەمىندە 25 بالل. بولىمدەر بويىنشا: وقۋعا دايىندىعىن انىقتاۋعا ارنالعان تەست بويىنشا – كەمىندە 7 بالل، ءار بەيىندى پاننەن - كەمىندە 7 بالل.

ايتا كەتسەك، 2019 جىلعى 10-15 تامىز ارالىعىندا 27 پۋنكتتە ماگيستراتۋراعا ءتۇسۋ ءۇشىن كەشەندى تەستىلەۋ وتكەن بولاتىن.

سوڭعى جاڭالىقتار