22 تامىز, 16:41 328 0 جاڭالىقتار Túrkistan Gazeti

ەلوردا اكىمى ەكى مەكتەپتەگى قۇرىلىس بارىسىمەن تانىستى

ەلوردادا وقۋشىلار ورنىنىڭ تاپشىلىعىن شەشۋ ءۇشىن 3 جاڭا مەكتەپ پەن 5 قوسىمشا قۇرىلىس پايدالانۋعا بەرىلەدى. قالا اكىمى التاي كولگىنوۆ «كوكتال-2» تۇرعىن ءۇي الابىنداعى ەكى قوسىمشاسىنىڭ  قۇرىلىسى بارىسىمەن تانىستى. بۇل تۋرالى قالا اكىمدىگىنىڭ رەسمي سايتى حابارلادى.

سونىمەن، № 68 مەكتەپتىڭ جاڭا عيماراتى ءۇش اۋىسىمدى وقىتۋ ماسەلەسىن شەشۋگە كومەكتەسەدى. قوسىمشا قۇرىلىس 500 ورىنعا ەسەپتەلگەن. عيماراتتا كەڭ سىنىپتار، اسحانا جانە سپورت زالى بولادى. بالالار جاڭا كورپۋستا وقۋ جىلىنىڭ باسىنان باستاپ اينالىسا الادى دەپ جوسپارلانۋدا. تەك سپورت زالى ەدەن جابىنىنىڭ جۇمىسىنا بايلانىستى كەيىنىرەك تاپسىرىلادى. مەكتەپ عيماراتىنىڭ ءوزى 2011 جىلى 800 وقۋشى ورنىنا سالىندى.

سونىمەن قاتار قالا اكىمى №40 مەكتەپتىڭ قوسىمشاسىنىڭ قۇرىلىسى بارىسىمەن تانىستى. جاڭا كورپۋس 800 ورىنعا ەسەپتەلگەن، مەكتەپ عيماراتىنىڭ ءوزى – 700 ورىنعا ەسەپتەلگەن. پايدالانۋعا وقۋ جىلىنىڭ سوڭىندا بەرىلەدى. مەكتەپتەر جيھازدارمەن جانە تەحنيكالىق جابدىقتارمەن قامتىلعان.

ا. كولگىنوۆ اتاپ وتكەندەي، وقۋ جىلىنىڭ باسىندا مەكتەپ تەرريتورياسىن ابباتتاندىرۋ قاجەت. 5 جىلدىق كەزەڭدە جيناقى قۇرىلىس بويىنشا كەشەندى جوسپار اياسىندا ەلوردادا 37 جاڭا مەكتەپ سالۋ جوسپارلانعان. قالادا 108 مەكتەپ بار، 162 مىڭ وقۋشى وقيدى. قىركۇيەك ايىندا ءبىرىنشى سىنىپقا تاعى 24 مىڭ بالا بارادى دەپ كۇتىلۋدە.

سوڭعى جاڭالىقتار