22 تامىز, 17:35 319 0 جاڭالىقتار Túrkistan Gazeti

ارىس قالاسىندا 7073 ءۇي قالپىنا كەلتىرىلدى

ارىس قالاسىندا 22 تامىزداعى جاعداي بويىنشا نەگىزگى قالپىنا كەلتىرۋ جۇمىستارى 7073 جەكە تۇرعىن ءۇي مەن كوپ قاباتتى ۇيلەردە اياقتالدى، ونىڭ 548-دە كوسمەتيكالىق جوندەۋ جۇمىستارى جالعاسۋدا. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

جۇمىسشىلار 455 ءۇيدى بۇزىپ، قايتا تۇرعىزۋدا. قازىرگى ۋاقىتتا 53 اپاتتى سامان ۇيلەردىڭ يەلەرىنە جاڭا كىرپىش ۇيلەر سالىندى، قازىر ولاردىڭ 46-ىندا وڭدەۋ جۇمىستارى ءجۇرىپ جاتىر.

سونىمەن قاتار، جوندەۋ جۇرگىزۋمەن كەلىسپەيتىن 15 تۇرعىن ءۇي يەسى قالىپ وتىر. شتاب وكىلدەرى داۋلى ماسەلەلەردى جەرگىلىكتى جەرلەردە قاراستىرۋدا.

بەكىتىلگەن ۋچاسكەدە قالپىنا كەلتىرۋ جۇمىستارىن تولىعىمەن جامبىل، قاراعاندى، قىزىلوردا، تۇركىستان، اقتوبە، اقمولا جانە سولتۇستىك قازاقستان وبلىستارىنىڭ سەكتورلارى جۇرگىزدى.

پاۆلودار، ماڭعىستاۋ وبلىستارى، بقو، شقو، شىمكەنت ق.جانە الماتى ق. سەكتورلارىنداعى جۇمىستار اياقتالۋعا جاقىن.

سونىمەن قاتار، اسا قيراعان ۋچاسكەلەردە 5 مىڭعا جۋىق قۇرىلىسشى ەڭبەك ەتۋدە. تاعى 2 مىڭعا جۋىق جۇمىسشى قالعان 10 الەۋمەتتىك نىساندى قايتا جاڭارتۋدا (ونىڭ ىشىندە - 3 ءبىلىم بەرۋ نىسانى، 4 دەنساۋلىق ساقتاۋ نىسانى، 2 سپورت جانە داڭق اللەياسى).

سوڭعى جاڭالىقتار