22 تامىز, 14:40 274 0 ايماق Túrkistan Gazeti

شىعىستىق ۇلگىدەگى اۆتوبەكەت  

تۇركىستان وبلىسىنا كەزەكتى ءىس­سا­پا­رى­مەن كەلگەن ۇكىمەت باسشىسى اسقار مامين باستاعان جۇمىس توبى ەڭ الدىمەن تۇركىس­تان قالاسىنداعى حالىقارالىق اۆتو­بە­كەت­تىڭ اشىلۋ راسىمىنە قاتىستى. قر پرەمەر-ءمينيسترى ا.مامين حالىقارالىق اۆتوبەكەتتىڭ  اشىلۋىمەن قۇتتىقتاپ، يگى لەبىزىن ءبىلدىردى.

تۇركىستان قالاسىندا سالىنعان اۆتو­ۆوكزالعا تاپسىرىس بەرۋشى «قاسيەت ترانزيت سەرۆيس» جشس. مەردىگەر مەكەمە – «يۋگستروي­كونسترۋكتسيا» جشس. نىسان­نىڭ قۇرىلىسى بيىل، ياعني 2019 جىلدىڭ ءساۋىر ايىندا باستالىپ، 2019 جىلدىڭ تامىز ايىندا قۇرىلىس جۇمىستارى اياقتالىپ، حالىق يگىلىگىنە پايدالانۋعا بەرىلدى.  حالىقارالىق اۆتو­بەكەت كەنتاۋ قالاسىنا قاراستى شاعا اۋىلىندا ورنالاسقان. شىعىس ۇلگىسىندە سالىنىپ جاتقان نىساننىڭ جالپى اۋماعى  2,4 گا قۇرايدى. جوسپارعا ساي، 600 اۆتوبۋسقا ارنايى 15 تۇراق قاراستىرىلعان.

تاۋلىگىنە 10 مىڭ ادامعا دەيىن قىزمەت كورسەتە الادى. ەلىمىزدىڭ   الماتى، نۇر-سۇلتان   سەكىلدى باعىتتارىمەن قاتار، وبلىستىڭ وزگەدە اۋدان قالالارىنا جۇرگىزىلەتىن بولادى. نىساننىڭ ىشىندە انا مەن بالا بولمەسى، كۇتۋ زالى، اسحانا، تىنىعاتىن ورىندارمەن قامتىلعان. سونداي-اق اۆتوۆوكزال اۋماعىندا بارلىق ستاندارتقا ساي اۆتوكولىك جۋ ورنى، تەحنيكالىق قىزمەت كورسەتۋ ورىندارى اشىلۋ جوسپارلانىپ وتىر.

سوڭعى جاڭالىقتار