22 تامىز, 13:38 305 0 ايماق Túrkistan Gazeti

تۇركىستاندا فرونت-وفيc اشىلدى

قازاقستان ۇكىمەتى بارلىق ايماقتاردا ينۆەستورلاردى سۇيەمەلدەۋ بويىنشا فرونت-وفيستەر قىزمەتىن جۇزەگە اسىرۋ ەرەجەسىن بەكىتكەن بولاتىن. اتالمىش ءتاسىل ينۆەستوردىڭ قۇجات جيناۋ جانە دايىنداۋ پروتسەسىنە قاتىسۋىن ازايتۋ جانە ولاردىڭ مەملەكەتتىك ورگاندارمەن تىكەلەي بايلانىسىن شەكتەۋدى كوزدەيدى.

قازىرگى ۋاقىتتا وڭىردە بيزنەستى دامىتۋ، ينۆەستورلار ءۇشىن قو­لاي­لى جاعداي جاساۋ، ەكسپورتتىق الەۋەتتى ارتتىرۋ جانە ءتۋريزمدى دامىتۋعا باسا نازار اۋدارىلۋدا. سونىمەن، تۇركىستان وبلىسىندا «TURKISTAN INVEST» فرونت- ءوفيسى قۇرىلدى. ول ينۆەستورلاردى تارتۋ جانە سۇيەمەلدەۋ، سونداي اق، ەكسپورتتى دامىتۋ جۇمىستارىن اتقارۋدا.

«قازىرگى ۋاقىت ينۆەستورلار جانە ەكس­پورت­تاۋشىلارمەن جۇمىس جۇرگىزۋدىڭ جاڭا ءتاسىلىن تالاپ ەتەدى. ينۆەستيتسيا جانە ەكسپورت پاراللەلدى تۇردە دامۋى ءتيىس باعىتتار، سەبەبى شەتەلدىك ينۆەس­تور­لاردى تارتا وتىرىپ، ەكسپورتتاۋشىلار ءۇشىن الەمدىك نارىققا جاڭا جول اشىلادى. وسىلايشا، ەلىمىزدىڭ ەكسپورت گەوگرا­فيا­سىن ايتارلىقتاي كەڭەيتۋ مۇمكىندىگى پايدا بولماق. وسىنىڭ نەگىزىندە وڭىردە ايماقتىق ەكونوميكانى دامىتۋ ساياساتىن ازىرلەيتىن ينۆەستيتسيالار جانە ەكسپورت باسقارماسى قۇرىلدى. سونداي-اق وسى ەكى باعىتتى «ءبىر تەرەزە» رەجيمىندە جۇمىس ىستەيتىن فرونت-وفيسكە بىرىكتىرۋ ءتيىم­دى»، – دەيدى تۇركىستان وبلىسى اكىمىنىڭ ورىنباسارى مەيىرجان مىرزاليەۆ.

سونىمەن قاتار، ينۆەستيتسيالاردى تارتۋ تەتىكتەرىنىڭ تيىمدىلىگىن ارتتىراتىن بىرىڭعاي ينۆەستورلار بازاسى قۇرىلدى. تۇركىستان وبلىسىنىڭ  فرونت-ءوفيسى ءوڭىردىڭ ەكونوميكالىق الەۋەتىنە جاساعان تالداۋدىڭ   نەگىزىندە باسىم ينۆەستي­تسيا­لىق باعىتتار انىقتالىپ، تىڭ جوبالار ازىرلەندى. ناتيجەسىندە، جالپى سوماسى 106,9 ملرد تەڭگەگە 11 جوبا دايىندالدى. 86 ينۆەستيتسيالىق جوبادان تۇراتىن تىزبە ازىرلەندى. ولاردىڭ جالپى قۇنى 338 ملرد تەڭگە.  اتالعان جوبالاردىڭ  ىشىندە 4 317 جاڭا جۇمىس ورىندارىن اشۋعا مۇمكىندىك بەرەتىن سوماسى 179 ملرد تەڭگەگە 43 جوبا 2019 جىلى جۇزەگە اسىرىلادى. ونىڭ ىشىندە قۇنى 53,1 ملرد تەڭگەنى قۇرايتىن 6 جوبا شەتەلدىك كاپيتال قاتىسۋىمەن ىسكە اسىرىلۋدا. بۇل جوبالار  جۇمىسسىز جۇرگەن 443 ازاماتتى جۇمىس ورنىمەن قامتاماسىز ەتەتىن بولادى.

شەتەلدىك ينۆەستورلار جانە ەكس­پورت­تاۋشىلاردىڭ قولايلىلىعى ءۇشىن قاجەتتى اقپاراتتى قامتيتىن جانە فرونت-وفيسپەن جۇمىس بارىسىن ايقىن بولۋىنا نەگىز بولاتىن بىرىڭعاي سايت دايىندالۋدا. ستاتيستيكا مالىمەتتەرىنە سايكەس، تۇركىس­تان وبلىسىنىڭ نەگىزگى كاپيتالىنا سا­لىن­عان ينۆەستيتسيالار كولەمى 2019 جىلدىڭ 5 ايىندا 87,3 ملرد تەڭگەنى قۇ­رادى، بۇل 2018 جىلدىڭ سايكەس كەزەڭىمەن سالىستىرعاندا 129,8 پايىزعا جوعارى.

ەكسپورتتى دامىتۋ بويىنشا دا كوپ­تەگەن جۇمىستار اتقارىلعان. ەكسپورت گەوگرافياسى بويىنشا تالداۋ جاسالىنىپ، بارلىق مۇمكىن توسقاۋىلدار مەن شەشىم­دەر انىقتالدى، سونىڭ نەگىزىندە ەكسپورت­تاۋشىلاردىڭ بىرىڭعاي بازاسى جاسالدى.

قازىرگى «تسيفرلىق قازاقستان» مەم­لە­كەتتىك باعدارلاماسى بويىنشا بۇكىل ەكو­نو­ميكا تسيفرلىق فورماتقا اۋىسقان­دىقتان، ايماقتا شوب دامىتۋدىڭ نەگىزگى فاكتورى بولا الاتىن «Turkestan Digital Trade» كوپ فۋنكتسيونالدى تسيفرلىق ساۋدا الاڭى ىسكە قوسىلدى.

ستاتيستيكاعا سايكەس، تۇركىستان وبلى­سىنىڭ وڭدەلگەن ەكسپورتتىق ونىمدەرىنىڭ كولەمى 2019 جىلدىڭ 6 ايىندا 342,3 ملن اقش دوللارىن قۇراپ، 2018 جىلدىڭ سايكەس كەزەڭىمەن سالىستىرعاندا 132,5 پايىزعا ارتتى.

ايتا كەتۋ كەرەك، فرونت-وفيس تاۋلىك بويى جۇمىس ىستەيدى. كەڭسەدە قوڭىراۋ شالۋ ورتالىعى (call-center: 20-14) جۇمىس ىستەيدى، بايلانىس قولايلىعىن ارتتىرۋ ماقساتىندا ءموبيلدى قۇرىلعى ارقىلى بايلانىس ورناتىلادى.

سوڭعى جاڭالىقتار