22 تامىز, 13:37 289 0 قاۋىپسىزدىك Túrkistan Gazeti

ۇلتتىق كەڭەستىڭ العاشقى رەسمي جيىنى 6 قىركۇيەكتە وتەدى

بيىل  17 شىلدەدە مەملەكەت باسشىسىنىڭ جارلىعىمەن ۇلتتىق قوعامدىق سەنىم كەڭەسىنىڭ ەرەجەسى مەن قۇرامى بەكىتىلگەنى بەلگىلى. كەڭەستىڭ العاشقى وتىرىسى 6 قىركۇيەككە  جوسپارلانىپ وتىر. بۇل تۋرالى قر پرەزيدەنتىنىڭ كەڭەسشىسى، ۇلتتىق كەڭەس حاتشىسى ەرلان قارين بىلاي دەپ مالىمدەدى: «مەملەكەت باسشىسىنىڭ قاتىسۋىمەن ۇلتتىق قوعامدىق سەنىم كەڭەسىنىڭ العاشقى وتىرىسى شامامەن 6 قىركۇيەكتە وتەدى. قازىرگى ۋاقىتتا العاشقى كەڭەيتىلگەن وتىرىسقا قىزۋ دايىندىق جۇرگىزىلىپ جاتىر».

ە.قاريننىڭ ايتۋىنشا، وسى جىلدىڭ شىلدە مەن تامىز ايلارىندا الماتى جانە نۇر-سۇلتان قالالارىندا ۇلتتىق كەڭەسكە مۇشەلىككە ەنگەن ازاماتتارمەن كەزدەسۋ وتكىزىلگەن. سونداي-اق، تالقىلاۋ بارىسىندا ۇلتتىق قوعامدىق سەنىم كەڭەسىنىڭ العاشقى وتىرىسىنىڭ الدىندا ۇيىمداستىرۋشىلىق جيىندى وتكىزۋ كەلىسىلگەن.

«ىشكى سۇراقتاردى - ۇلتتىق كەڭەس جۇمىسىنىڭ جالپى رەگلامەنتىن، جۇمىس توپتارىن قۇرۋ ماسەلەلەرى مەن قۇرامىن تالقىلاۋ ءۇشىن الدىن الا جيىن وتەدى. ۇيىمداستىرۋشىلىق جيىن 28 تامىزعا جوسپارلانعان»، – دەپ ءتۇسىندىردى پرەزيدەنت كەڭەسشىسى.

«تۇركىستان-اقپارات»

 

سوڭعى جاڭالىقتار