22 تامىز, 08:07 295 0 ايماق Túrkistan Gazeti

قىزىلوردالىق بانكوماتتا ۇمىتىپ كەتكەن اقشانى يەسىنە قايتاردى

قىزىلوردا قالاسىنىڭ تۇرعىنى قارلىعاش ماحانوۆا بانكوماتتا قوماقتى اقشاسىن قالدىرىپ كەتكەن جەرلەسىنىڭ اقشاسىن تۇگەلدەي قايتارىپ بەردى، دەپ حابارلايدى قازاقپارات ءتىلشىسى.

ول تاڭەرتەڭ «قىزىلوردا» سۋپەرماركەتىنىنىڭ ىشىندە ورنالاسقان بانكوماتقا اقشا الۋعا كەلەدى. وندا بانكومات الدىندا قوماقتى اقشانىڭ جاتقانىن كوزى شالدى. قارلىعاش بۇل اقشانى يەسىنە قايتارۋعا شەشىم قابىلدايدى. وسى ماقساتتا الەۋمەتتىك جەلىگە اقشانى يەسىنە قايتارۋ ماقساتىندا حابارلاندىرۋ جاريالايدى.

«ومىردە ءتۇرلى جاعداي بولادى. بەلگىسىز بىرەۋدىڭ بانكوماتتا اقشاسىن ۇمىتىپ كەتكەنى مەنى ويلاندىرىپ تاستادى. سول ءۇشىن الەۋمەتتىك جەلىگە «قاي جەردەگى بانكومات جانە قانشا اقشا بارىن ايتسا ەگەسىنە قايتارامىن» دەپ حابارلاما قالدىردىم. ەرتەسىنە كەشكە جاقىن اقشا ەگەسى ماعان حابارلاستى. مەن ونى ناقتىلاي تۇسۋگە تىرىستىم. قازىر ەل ىشىندە الاياقتار كوپ قوي. بانكوماتتا ورنالاسقان كامەرانى كەرى اينالدىرىپ قارادىم. اقشانى ۇمىت قالدىرعان ادامنىڭ قانداي كيىم كيگەنىن ناقتىلاپ الدىم. سول كىسى ەكەن. ۇمىت قالدىرعان ادام تۇنگى اۋىسىمنان شىققان ەكەن. ۇيىنە كەلگەندە قارجىسىن قالدىرىپ كەتكەنى ەسكە تۇسەدى. ءوزىم دە كوپبالالى انامىن. مۇمكىن ول كىسىنىڭ دە بالالارى بار شىعار دەپ ويلادىم»، - دەدى قارلىعاش. قارلىعاش بۇگىندە بالا تاربيەسىمەن ۇيدە وتىر. ول وسىلايشا اقشا جوعالتقان ادامنىڭ العىسىن الدى.

تەگتەر بانكومات

سوڭعى جاڭالىقتار