21 تامىز, 21:50 378 0 ىشكى ساياسات Túrkistan Gazeti

مارالدىداعى جانجال: پوليتسيا قىزمەتتىك تەكسەرۋدىڭ ناتيجەسىن جاريالادى

پاۆلودار وبلىستىق پوليتسيا دەپارتامەنتى مارالدى كولىندەگى جانجالعا قاتىستى قىزمەتتىك تەكسەرۋ جۇرگىزدى، دەپ حابارلايدى قازاقپارات اتالعان دەپارتامەنتكە سىلتەمە جاساپ.

«تەكسەرۋ ناتيجەسىندە 2019 جىلدىڭ 18 تامىزىندا ابونەنت ارتۋر دانوياننان «102» وپەراتورىنىڭ پۋلتىنا 2 قوڭىراۋدىڭ تۇسكەندىگى انىقتالدى. ءبىرىنشى قوڭىراۋ ساعات 20-55-تە تۇسكەن. ول كەزدە ابونەنت مارالدى كولىنە رومانوۆكا اۋىلى جاعىنان پوليتسيا جىبەرۋدى وتىنگەن. بۇعان قوسا، بازاداعى ناقتىلانعان جازباعا سايكەس 102 وپەراتورى ءبىرىنشى قوڭىراۋدىڭ ءۇشىنشى سەكۋندىنان كەيىن تەلەفون تۇتقاسىن كوتەرىپ، شاقىرۋدى قابىل العان. بۇل فاكتى بىردەن دەپارتامەنت باسشىلىعىنىڭ باقىلاۋىنا الىندى. وقيعا ورىن العان جەرگە پاۆلودار وبلىستىق پوليتسيا دەپارتامەنتى باستىعىنىڭ ورىنباسارى باسقارعان شۇعىل ارەكەت ەتۋ ارنايى توبىن جىبەرۋگە نۇسقاۋ بەردى»، - دەپ اتاپ وتەدى ۆەدومستۆودان.

دەپارتامەنت مالىمەتىنشە، ەكىنشى قوڭىراۋ ساعات 21-12-دە قابىلدانعان. اتالعان ابونەنتتەن مۇنان وزگە قوڭىراۋلار كەلىپ تۇسپەگەن. «102» نومىرىنە تۇسەتىن بارلىق قوڭىراۋلار اۆتوماتتى رەجيمدە تىركەلىپ، جازىلىپ وتىرادى. بۇعان قوسا، قوڭىراۋ كەلىپ تۇسكەنگە دەيىن جاۋاپكەرشىلىگى شەكتەۋلى سەرىكتەستىك كۇزەتشىلەرىنىڭ حابارلاسۋىنا بايلانىستى وقيعا ورنىنا كولدەگى قوعامدىق ءتارتىپتى قامتاماسىز ەتۋدى جۇزەگە اسىراتىن شۇعىل ارەكەت ەتۋ ارنايى توبى مەن شارباقتى اۋدانىق پوليتسيا ءبولىمىنىڭ پوليتسيا قىزمەتكەرلەرى جىبەرىلگەن بولاتىن»، - دەلىنگەن تاراتىلعان اقپارتتا. ەسكە سالساق، بۇعان دەيىن پاۆلودار وبلىستىق پوليتسيا دەپارتامەنتى 18 تامىزدا جەرگىلىكتى تۇرعىندار مەن كۇزەت اگەنتتىگىنىڭ قىزمەتكەرلەرى اراسىندا اتىس بولعانىن حابارلاعان ەدى. ءاۋ باستا كۇزەت قىزمەتكەرلەرى موتوتسيكل ارقىلى ەكى قاپ ارتەميا سالينا شاياندارىن اكەتىپ بارا جاتقان مارالدى اۋىلىنىڭ 32 جاستاعى تۇرعىنىن ۇستاپ العان. وسىدان كەيىن وقيعا ورنىنا جەرگىلىكتى تۇرعىندار كەلىپ، تاراپتار اراسىندا اتىس باستالعان. تۇرعىنداردىڭ ءبىرى كۇزەت اگەنتتىگىنىڭ اۆتوكولىگىن ايداپ كەتكەن. كولىك كەيىن تابىلعانى حابارلانىپ وتىر. توبەلەس كەزىندە پوليتسيا قىزمەتكەرلەرى اسپانعا تراۆماتيكالىق قارۋمەن وق اتقاننان كەيىن جينالعاندار تاراپ كەتكەن. سول كۇنى تۇندە پاۆلودار قالالىق اۋرۋحاناعا 5 ادام تۇسكەن. كەيىن ىشكى ىستەر ءمينيسترى ەرلان تۇرعىمباەۆ پاۆلودار وبلىسىنىڭ مارالدى اۋىلىنداعى اتىستىڭ ءمان-جايىن تۇسىندىرىپ بەردى.

«ول جاقتاعى كول ينۆەستورعا جالعا بەرىلگەن. ينۆەستور اتالعان كولدىڭ تابيعي بايلىعىن باعىپ، بالىعىن اۋلاۋمەن اينالىسادى. ماسەلە - سانكتسيالانباعان بالىق اۋلاۋ جاعدايلارى مەن ارنايى شايانداردىڭ اۋلانۋىندا. بىراق، بۇل شايانداردىڭ اۋلانۋى بويىنشا ارنايى كۆوتا بار. كۆوتادان اسىرىپ، شاياندى اۋلاۋعا بولمايدى. سول سەبەپتى، بۇل شايانداردى اۋلاۋ بويىنشا براكونەرلىك ارەكەت بولماۋ ءۇشىن كۆوتا بەلگىلەنگەن. بىراق، جەرگىلىكتى تۇرعىندار شاياندى كۆوتاسىز اۋلاعاندىقتان، اتالعان كاسىپكەر ارنايى كۇزەت قىزمەتىن جالداعان. مۇنىڭ ءبارى اينالىپ كەلىپ، جەرگىلىكتى تۇرعىندار مەن كۇزەت قىزمەتكەرلەرى اراسىندا توبەلەسپەن اياقتالىپ، باق-تا كورگەنىڭىزدەي جانجال بولىپ، تراۆماتيكالىق قارۋ قولدانىلعان»، - دەگەن ەدى ەرلان تۇرعىمباەۆ ۇكىمەت وتىرىسىنان كەيىن تىلشىلەردىڭ سۇراعىنا جاۋاپ بەرە وتىرىپ.

تەگتەر جانجال

سوڭعى جاڭالىقتار