21 تامىز, 19:44 326 0 ايماق Túrkistan Gazeti

سەناتورلار ارىس تۇرعىندارىمەن كەزدەستى

سەنات دەپۋتاتتارى ءالي بەكتاەۆ پەن ءالىمجان قۇرتاەۆ تۇركىستان وبلىسىنا جۇمىس ساپارى بارىسىندا ارىس قالاسىنىڭ تۇرعىندارىمەن كەزدەستى. بۇل تۋرالى قازاقپارات سەناتتىڭ ءباسپاسوز قىزمەتىنە سىلەمە جاساپ حابارلايدى.

دەپۋتاتتار ءار تۇرعىنىنا 100 مىڭ تەڭگەدەن بەرۋ بويىنشا جۇمىس بارىسىن، قيراعان ۇيلەردى قالپىنا كەلتىرۋ جۇمىستارىمەن تانىستى. ساپار بارىسىندا شاھارداعى جاڭا ستاديوندى قايتا رەتكە كەلتىرۋ ماسەلەسى دە كوتەرىلدى.

دەپۋتاتتار وبلىستاعى اۋىل شارۋاشىلىعى سالاسىن دامىتۋعا ەرەكشە كوڭىل ءبولدى. ورداباسى مەن تۇلكىباس اۋداندارىنا بارعاندا سۋبسيديالاۋ، اۋىل شارۋاشىلىعىنا نەسيە ءبولۋ، مال ونىمدەرىنىڭ باعاسىن ءتۇسىرۋ سياقتى ماڭىزدى ماسەلەلەر كوتەرىلدى. سايرام اۋدانىنىڭ تۇرعىندارىمەن وتكەن كەزدەسۋدە مۇعالىمدەر مارتەبەسىن كوتەرۋ، كومۋنالدىق تولەمدەر قۇنى، الەۋمەتتىك مەديتسينالىق ساقتاندىر تۋرالى ءسوز بولدى.

سونداي-اق، پارلامەنت سەناتىنىڭ دەپۋتاتى ايگۇل قاپباروۆا شىمكەنتتەگى جۇمىس ساپارى اياسىندا اتاۋلى الەۋمەتتىك كومەك ارقىلى ۇيىنەن تىگىن تسەحىن اشىپ، ونى دوڭگەلەتىپ وتىرعان تىللاگۇل قارسىباەۆانىڭ شاڭىراعىندا بولدى. «كۇمىس القا» يەگەرى تىللاگۇل تاسبولاتقىزى سەناتورعا قالاي شاعىن كاسىپكە كەلگەنىن اڭگىمەلەدى. مەملەكەتتەن بەرىلگەن قاراجاتقا تىگىن ماشينالارىن ساتىپ الىپ، جۇمىسىن باستاعان.

كەزدەسۋ بارىسىندا ا.جارىلقاسىنقىزى مەملەكەتتىك قولداۋ شارالارىنىڭ اياسىندا كوپ بالالى وتباسىلار جاڭا مۇمكىندىكتەرگە يە بولاتىنىن ايتىپ ءوتتى. جالپى شىمكەنت قالاسىندا اتاۋلى الەۋمەتتىك كومەكتى الۋعا 68 مىڭ وتباسى قۇجات تاپسىرىپ، ونىڭ 40 مىڭعا جۋىعىنا الەۋمەتتىك كومەك تاعايىندالعان.

سوڭعى جاڭالىقتار