21 تامىز, 19:37 350 0 ساياسات Túrkistan Gazeti

پرەزيدەنت قوستاناي وبلىسىنىڭ اكىمى ارحيمەد مۇحامبەتوۆتى قابىلدادى

بۇل تۋرالى اقوردانىڭ ءباسپاسوز قىزمەتى xابارلادى. 

پرەزيدەنتكە وڭىردەگى استىق جيناۋ جۇمىستارىنا دايىندىق بارىسى، اگروونەركاسىپ كەشەنىنىڭ دامۋى، سونداي-اق ماشينا جاساۋ سالاسىنداعى ينۆەستيتسيالىق جوبالاردىڭ جۇزەگە اسىرىلۋى جونىندە مالىمەت بەرىلدى.

قاسىم-جومارت توقاەۆ استىق جيناۋ ناۋقانىن ۋاقتىلى جۇرگىزۋدىڭ جانە تۇقىم قورىن دايىنداۋدىڭ ماڭىزدىلىعىن، سونداي-اق تۇرعىن ءۇي قۇرىلىسىنىڭ قارقىنىن ارتتىرۋ جانە قوستانايداعى اەروپورتتى قايتا جوندەۋ قاجەتتىگىن ايتتى.

مەملەكەت باسشىسى ا.مۇحامبەتوۆكە ارقالىق قالاسىنىڭ جىلۋمەن قامتۋ جۇيەسىن قايتا جوندەۋ جونىندە ۇسىنىس بەرۋدى تاپسىردى.

سوڭعى جاڭالىقتار