21 تامىز, 19:34 348 0 جاڭالىقتار Túrkistan Gazeti

«تۇبىرتەكتى تالاپ ەت تە – جۇلدەنى ۇتىپ ال!» جىل سايىنعى اكتسياcى باستالدى

قم مەملەكەتتىك كىرىستەر كوميتەتى «اتامەكەن» قازاقستان رەسپۋبليكاسىنىڭ ۇلتتىق كاسىپكەرلەر پالاتاسىنىڭ جانە «Wipon» ءموبيلدى قوسىمشاسىنىڭ قولداۋىمەن 2019 جىلدىڭ 21 تامىزىنان 30 قاراشاسىنا دەيىن «تۇبىرتەكتى تالاپ ەت تە – جۇلدەنى ۇتىپ ال!» جىل سايىنعى اكتسياcىندا 3 000 000 تەڭگە جەدەل جۇلدەلەر مەن باس جۇلدە اۆتوكولىكتى ويىنعا سالادى. بۇل تۋرالى مينيسترلىكتىڭ ءباسپاسوز قىزمەتى حابارلادى.  

اكتسيانىڭ ماقساتى ازاماتتىق بەلسەندىلىكتى ارتتىرۋ، تاۋارلاردىڭ، جۇمىستاردىڭ جانە قىزمەتتەردىڭ تۇتىنۋشىلارى رەتىندە ءوز مۇددەلەرىن قورعاۋ ماسەلەلەرىندە ازاماتتاردىڭ قۇقىقتىق مادەنيەتىن تاربيەلەۋ، كولەڭكەلى ەكونوميكانىڭ مولشەرىن قىسقارتۋ، سونداي-اق كاسىپكەرلەر اراسىندا ءادىل باسەكەلەستىكتى ىنتالاندىرۋ بولىپ تابىلادى.

وسىلايشا، قم مەملەكەتتىك كىرىستەر كوميتەتى ازاماتتارىمىزعا سالىق زاڭناماسىن ساقتاۋ بويىنشا قوعامدىق باقىلاۋعا قاتىسۋىنا، جانە ونىڭ ۇستىنە باعالى سىيلىقتار ۇتىپ الۋعا مۇمكىندىك بەرەدى.

وتكەن جىلداعىداي، اعىمداعى جىلى دا اكتسيا «Wipon» ءموبيلدى قوسىمشاسى ارقىلى جۇزەگە اسىرىلاتىن بولادى.

اكتسياعا ونلاين-بكم فيسكالدى چەگىنىڭ دەرەكتەرىن جىبەرۋ ارقىلى تاۋاردى ساتىپ العانىن نەمەسە قىزمەتتى تۇتىنعانىن راستاي العان قازاقستان رەسپۋبليكاسىنىڭ ازاماتتارى قاتىسا الادى. چەكتى جىبەرگەننەن كەيىن قاتىسۋشى 5 000 تەڭگەگە دەيىنگى قاراجاتتى بىردەن تەلەفون تەڭگەرىمىنە الۋ مۇمكىندىگىن الادى. جەدەل سىيلىقتاردىڭ جۇلدە قورى 3 000 000 تەڭگەنى قۇرايدى. بارلىق جىبەرىلگەن چەكتەر اكتسيانىڭ باس جۇلدەسى - اۆتوكولىك ۇتىس ويىنىنا قاتىسادى. ەگەر فيسكالدى چەك بەرىلمەگەن جاعدايدا، ازاماتتار بۇل بۇزۋشىلىقتارعا ۆيدەو ارقىلى شاعىم جاساۋى مۇمكىن. اكتسيا كەزىندە ۇتىسقا ونلاين-بكم فيسكالدى چەكتەرى قاتىسادى.

باس فينال جىلدىڭ سوڭىندا قم مەملەكەتتىك كىرىستەر كوميتەتىندە وتەدى. وندا باعالى سىيلىقتار، ونىڭ ىشىندە باس جۇلدە – اۆتوموبيل ۇتىسقا سالىنادى. ۇتىس جەڭىمپازدارى چەكتى كەزدەيسوق تاڭداۋ ادىسىمەن انىقتالاتىن بولادى. وسىلايشا، قاتىسۋشى قانشالىقتى كوپ چەك جىبەرسە، جۇلدەنى ۇتىپ الۋ مۇمكىندىگى دە سونشالىقتى وسە تۇسەدى.

اكتسيا كاسىپكەرلەردىڭ قولما-قول اقشامەن تاۋارلاردى ساتىپ العانى، جۇمىستاردى ورىنداعانى جانە قىزمەتتەردى كورسەتكەنى ءۇشىن اقشالاي ەسەپ-ايىرىسۋلار كەزىندە چەكتەردىڭ بەرۋىن قامتاماسىز ەتۋگە باعىتتالعان.

سوڭعى جاڭالىقتار