21 تامىز, 19:30 331 0 جاڭالىقتار Túrkistan Gazeti

«مەن – قازاقستاننانمىن» ۆيدەوبلوگەرلەر بايگەسىنە 200-دەن اسا ۆيدەوجوبا كەلىپ ءتۇستى

قازاقستانداعى جاستار جىلى اياسىندا «A kind heart» قوعامدىق بىرلەستىگى «I’m from Qazaqstan» اتتى ۆيدەوروليكتەر بايگەسىن ۇيىمداستىرۋدا.

ەلىمىزدىڭ بارلىق ايماعىنان بايگەگە قاتىسۋعا 969 ءوتىنىش كەلىپ تۇسكەن. 233 قاتىسۋشى تاقىرىپقا سايكەس ۆيدەروليكتەر ءتۇسىرىپ جىبەرگەن. فينالعا 15 قاتىسۋشى ىرىكتەلىپ الىنىپتى.

كونكۋرسقا قاتىسقان جوبالاردىڭ 40% الماتى قالاسىنان، 13% نۇر-سۇلتان قالاسىنان، قالعاندارى وسكەمەن، شىمكەنت، سەمەي، اقتاۋ، قاراعاندى، بۋراباي، قوستاناي، تۇركىستان جانە باسقا دا قالالار مەن اۋىلداردان كەلىپ تۇسكەن.

قاتىسۋشىلاردىڭ ۆيدەورولكيتەرىن قازاقستان جانە شەت ەلدەن كەلگەن تانىمال بلوگەرلەردەن تۇراتىن قازىلار القاسى باعالايتىن بولادى.

باس جۇلدە - 1 000 000 تەڭگە، ەكىنشى ورىن يەسى – 500 000 تەڭگە، ال ءۇشىنشى ورىن يەسى 300 000 تەڭگە الادى. سونىمەن قاتار ەلىمىزدە تج جانە اۆيا بيلەتتەر ساتۋ بويىنشا كوشباسشى اۆياتا كومپانياسى ءبىر جەڭىمپازعا ارنايى سىياقى دايىندادى. جەڭىمپازداردى قۇتتىقتاۋ سالتاناتتى ءراسىمى 24-25 تامىزدا نۇر-سۇلتان قالاسىندا وتەتىن «قازاقستاندى تانى» اتتى حالىقارالىق بلوگەرلەر فورۋمىندا وتەدى.

بايگە قورىتىندىسى بويىنشا فينالعا جەتكەن قاتىسۋشىلار قازاقستانداعى YouTube كومپانياسىنىڭ رەسمي وكىلىمەن كەلىسىمشارتقا وتىرىپ، ءوز ارنالارىنىڭ داۋمىنا قاتىستى مامانداردىڭ كەڭەستەرىن الادى.

بايگە شارتى بويىنشا قاتىسۋشىلار وزدەرىنىڭ تۋعان قالالارى نەمەسە اۋىلدارى تۋرالى قىسقاشا ۆيدەوروليك ءتۇسىرۋى كەرەك. ءوز تۋىندىسىندا تۋعان جەرى تۋرالى، ونىڭ قىزىقتى نەمەسە ماڭىزدى جەرلەرى تۋرالى بايانداپ، تۋعان جەرىنىڭ تۋريستەر ءۇشىن قانداي قىزىقتارى بار ەكەندىگى تۋرالى ايتىپ بەرۋى قاجەت بولاتىن.

ءىس-شارانى ۇيىمداستىرۋشىلار "ازاماتتىق باستامالاردى قولداۋ ورتالىعى" كەاق جانە قر اقپارات جانە قوعامدىق دامۋ مينيسترلىگىنىڭ قولداۋىمەن "A kind heart" قوعامدىق بىرلەستىگى.

جوبانىڭ ستراتەگيالىق سەرىكتەستەرى - ەلىمىزدىڭ ەڭ ءىرى ينتەرنەت باق – "Internet Portal NUR" جشس، قازاقستانداعى Youtube-ءتىڭ رەسمي سەرىكتەسى - "Power Media" جشس جانە تۋريزم سالاسىنداعى قازاقستاننىڭ برەند-مەنەدجەرى بولىپ تابىلاتىن "Kazakh Tourizm" ۇلتتىق كومپانياسى. جوبا دەمەۋشىسى  «GALANZ bottlers» كومپانياسى Sevens سۋىمەن.

جوبا قازاقستانداعى جاستار جىلى اياسىندا جۇزەگە اسىرىلۋدا جانە دارىندى جاستارعا كومەكتەسۋ، ەلدەگى تۋريزم مەن بەينەبلوگگينگتى دامىتۋعا باعىتتالعان.

بايگە مەن فورۋم تۋرالى تولىق اقپارات openqazaqstan.kz سايتىندا.

سوڭعى جاڭالىقتار