21 تامىز, 19:23 358 0 ساياسات Túrkistan Gazeti

دارحان قىدىرالى Nur Otan پارتياسى ساياسي كەڭەسى بيۋروسىنىڭ قۇرامىنا سايلاندى

ەلباسى نۇرسۇلتان نازارباەۆتىڭ توراعالىعىمەن وتكەن Nur Otan پارتياسى ساياسي كەڭەسىنىڭ كەڭەيتىلگەن وتىرىسىندا پارتيانىڭ ساياسي كەڭەس بيۋروسىنا مۇشەلىككە «Egemen Qazaqstan» رگ» اق باسقارما توراعاسى دارحان قىدىرالى مەن Jas Otan جاستار قاناتىنىڭ توراعاسى داۋلەت كارىبەك ۇسىنىلدى.

«بۇرىن ايتقانىمداي، حالىققا بارىنشا جاقىن بولۋ كەرەك. شەنەۋنىككە ءتان سيپاتتان ارىلعان ءجون. سول سەبەپتى، جاستارعا قولداۋ ءبىلدىرىپ، اسىرەسە، اۋىل جاستارىن قولپاشتاپ، ينتەلليگەنتسيامەن تۇراقتى ديالوگتى جولعا قويعان ابزال. سول سەبەپتى، ساياسي كەڭەس بيۋروسىنىڭ قۇرامىنا وزگەرىس ەنگىزۋ ۇسىنىلىپ وتىر. ماۋلەن ساعاتحانۇلى اشىمباەۆ مەملەكەتتىك قىزمەتكە ءوتتى. وعان ساتتىلىك تىلەپ قويالىق. باقىت تۇرلىحانۇلى سۇلتانوۆ مەملەكەتتىك قىزمەتكە بارىپ، مينيستر اتاندى. وعان دا راحمەت!»، - دەدى نۇرسۇلتان نازارباەۆ.

ەلباسى ءسوزىن جالعاستىرا كەلە، بيۋرو قۇرامىنان شىعىپ قالعان مۇشەلەردىڭ ورنىنا «Egemen Qazaqstan» رەسپۋبليكالىق گازەتى» اق باسقارما توراعاسى دارحان قۋاندىقۇلى قىدىرالىنى ەنگىزۋدى ۇسىندى.

«ول كوپكە بەلگىلى. گازەتتى كوتەردى. ءبىزدىڭ ينتەلليگەنتسيامەن بايلانىسى مىقتى. سونىمەن بىرگە، Jas Otan جاستار قاناتىنىڭ ليدەرى داۋلەت كارىبەكتى ۇسىنامىن. جاستاردىڭ اتىنان سول سويلەسىن»، - دەدى ەلباسى.

ەسكە سالساق، بۇگىن ەلوردادا ەلباسى، پارتيا توراعاسى نۇرسۇلتان نازارباەۆتىڭ قاتىسۋىمەن Nur Otan پارتياسى ساياسي كەڭەسىنىڭ كەڭەيتىلگەن وتىرىسى ءوتتى.

سوڭعى جاڭالىقتار