21 تامىز, 14:41 336 0 ايماق ءTúrkىstan International Political Weekly

سوزاقتىق قاۋىن-قاربىز شەكارا اسادى

تۇركىستان وبلىسى، سوزاق اۋدانىنىڭ باعباندارى قاۋىن-قاربىزدارىن ەكسپورتقا شىعارۋدى جوسپارلاپ وتىر.

شارۋا قوجالىقتارى بىرىگىپ، 600 توننادان استام ءونىمدى رەسەيگە ساۋدالاما.

ديقاندار بيىل جالپى 107 گەكتار اۋماققا باقشا ونىمدەرىن ەگىپ، ونىڭ 40 گەكتارىنا قاۋىن ءوسىردى. قالعان 66 گەكتاردان استام جەرگە قاربىز كوشەتى وتىرعىزىلعان.

ايتا كەتەيىك، وڭتۇستىك ءوڭىرىنىڭ تەرىسكەيى سانالاتىن اۋداندا باقشا ونىمدەرىن ءوسىرۋ ەندى عانا قولعا الىنىپ كەلەدى. قىسى قاتال بولاتىن وڭىردە تۇرعىندار نەگىزىنەن مال شارۋاشىلىعىمەن اينالىسادى. تۇيە باعىپ، ونىڭ ءسۇتىن وندىرەدى. ال باۋ-باقشا ۇستاپ، ودان ءونىم الۋدى سوزاق اۋىلىنىڭ شارۋالارى عانا جۇزەگە اسىرۋدا.

اتالعان اۋىلدا 2020 جىلعا تاعى 3 شارۋا قوجالىعى باقشا ونىمدەرىن وسىرمەك. ويتكەنى دايىن ونىمگە جەرگىلىكتى تۇرعىنداردان دا سۇرانىس ارتقان.

ەسكە سالايىق، سوزاقتىق باعباندار وتكەن جىلى دا قاۋىن-قاربىزدارىن ەكسپورتقا شىعارعان بولاتىن. ءسويتىپ مول تابىسقا كەنەلگەن.

سوڭعى جاڭالىقتار