21 تامىز 2019, 12:19 499 0 جاڭالىقتار Túrkistan Gazeti

ارىستا 14 جاستاعى قىز ۇيىنەن بەلگىسىز باعىتقا شىعىپ كەتىپ، قايتىپ ورالماعان

ارىستا 14 جاستاعى قىز ۇيىنەن بەلگىسىز باعىتقا شىعىپ كەتىپ، قايتا ورالماعان. قىزدى وزدىگىنەن تابا الماعان اتا-انالارى پوليتسياعا ارىزدانعان، دەپ حابارلايدى قازاقپارات ءتىلشىسى.

تۇركىستان وبلىستىق پد ءباسپاسوز قىزمەتىنىڭ مالىمەتىنشە، ارىز تۇسكەن ساتتەن باستاپ ءتارتىپ ساقشىلارى ىزدەستىرۋ شارالارىن باستاعان. بىرنەشە موبيلدىك توپتار قۇرىلىپ، اۋىل ايماقتاردان ىزدەستىرگەن. كۋاگەرلەردىڭ ايتۋى بويىنشا، جوعالعان قىز جاقىن ماڭداعى اۋدانعا قاراي كەتىپ بارا جاتقان تاكسيگە مىنگەن. وسىدان كەيىن پوليتسەيلەر جاقىن جەردەگى تەمىرلان اۋىلىن تۇگەل قاراپ شىققان. ىزدەۋ جۇمىستارىنىڭ ناتيجەسىندە كامەلەت جاسىنا تولماعان قىز اناسىنىڭ تانىسىنىڭ ۇيىنەن تابىلادى. ونىڭ تابىلعانى تۋرالى بىردەن اتا-اناسىنا حابار بەرىلىپ، قىز امان-ەسەن ۇيىنە جەتكىزىلگەن.

بۇگىنگى تاڭدا ءتارتىپ ساقشىلارى ءجاسوسپىرىمنىڭ جوعالىپ كەتكەنى بويىنشا تولىق ءمان-جايدى ءبىلۋ ءۇشىن تەكسەرۋ امالدارىن جۇرگىزۋدە. ءوز كەزەگىندە پەرزەنتىنىڭ امان-ەسەن تابىلعانىنا قۋانعان اتا-اناسى پوليتسيا قىزمەتكەرلەرىنە جانە ريزاشىلىعىن ءبىلدىردى.

تەگتەر ارىس

سوڭعى جاڭالىقتار