21 تامىز, 11:45 389 0 ءبىلىم ءTúrkىstan International Political Weekly

اينۇر تۇرسىنباەۆا ستۋدەنت اتاندى

بەلگىلى ايتىسكەر اقىن اينۇر تۇرسىنباەۆا ماسكەۋدەگى وقۋ ورنىنىڭ ماگيسترانتى اتاندى. بۇل تۋرالى اقىن Instagram جەلىسىندەگى پاراقشاسىندا حابارلادى. 

"ال قۇتتىقتاپ قويىڭىزدار. بۇگىننەن باستاپ موسكۆا پسيحواناليز ينستيتۋتىنىڭ ماگيستر-ستۋدەنتىمىن. بۇل جەردە مەنىڭ اتاق-ابىرويىما قارامايدى، اقشامەن تىرلىك ءبىتىرۋ دەگەن جوق!", - دەيدى ايتىسكەر.

اقىننىڭ ايتۋىنشا، ول سىرتتاي وقيدى. ساباقتى ونلاين وقىپ وتىرىپ، اي سايىن ەسەپ بەرىپ وتىرادى ەكەن. باعىتى - كوۋچينگ جانە جەكە كونسۋلتاتسيا.

"وتباسىلىق تاقىرىپتاردى قوسىمشا ساباق رەتىندە وقيمىن. بۇيىرسا سىزدەردىڭ يگىلىكتەرىڭىز ءۇشىن ەڭبەك ەتەتىن بولامىن", - دەيدى اينۇر تۇرسىنباەۆا.

ايتا كەتەيىك، اينۇر تۇرسىنباەۆا ايتىستا العاش رەت 1991 جىلى قايرات رىسقۇلبەكوۆكە ارنالعان وبلىسارالىق اقىندار سايىسىندا كوزگە تۇسكەن. كەيىن تولە ءبيدىڭ 330 جىلدىق مەرەيتويىندا ەكىنشى ورىندى جەڭىپ العان. 1994 جىلى سەمەيدە وتكەن قازاقتىڭ ۇلى اقىنى ابايعا ارنالعان مەكتەپ وقۋشىلارىنىڭ ايتىسىندا باس جۇلدەنى يەلەندى. ال ابايدىڭ 150 جىلدىق مەرەيتويىندا وتكەن رەسپۋبليكالىق اقىندار ايتىسىندا جۇلدەگەرلەردىڭ قاتارىنان كورىندى. سونداي-اق، ول جامبىلدىڭ تۋعانىنا 150 جىل تولۋىنا ارنالعان اقىنداردىڭ رەسپۋبليكالىق ايتىسىندا 2-ورىندى يەلەنگەن. بۇعان دەيىن بارلىعى 34 كولىك ۇتقان.

 

سوڭعى جاڭالىقتار