21 تامىز, 10:26 373 0 پوەزيا ءTúrkىstan International Political Weekly

ەلوردادا كىتاپ فەستيۆالى وتەدى

«BAURZHAN» جەكە قورى مەن «ABAYbooks» باسپا ءۇيى نۇر-سۇلتان قالاسى اكىمدىگى «استانا جاستارى» مەملەكەتتىك كوممۋنالدىق مەكەمەسىنىڭ قولداۋىمەن «KITAP FEST» كىتاپ فەستيۆالىن وتكىزەدى.

«KITAP FEST»  الماتى قالاسىندا 5 جىل قاتارىنان ۇيىمداستىرىلدى. وسى ۋاقىت ارالىعىندا فەستيۆال شاعىن كىتاپ الماسۋ داستۇرىنەن قالانىڭ اۋقىمدى مادەني-تانىمدىق ءىس-شاراسىنا اينالىپ، حالىقتىڭ ىقىلاسىنا بولەنىپ ۇلگەردى. جىل سايىن كىتاپ فەستيۆالى مىڭداعان كىتاپسۇيەر قاۋىمدى، تالانتتى اقىن-جازۋشىلار مەن تابىستى بلوگەرلەردى، قوعام قايراتكەرلەرى مەن بەلسەندىلەرىنىڭ باسىن بىرىكتىرەدى.

5 جىل ىشىندە «KITAP FEST» الاڭىندا اۆتورلار مەن باسپا ۇيلەرىنىڭ قاتىسۋىمەن 130-دان استام كىتاپتىڭ تانىستىرىلىمى ءوتتى، قوناقتارعا 20 مىڭعا جۋىق كىتاپ سىيلاندى، 70-تەن اسا كىتاپ دۇكەنى جارمەڭكەگە قاتىسىپ، 45 بلوگەر وزدەرىنىڭ سۇيىكتى كىتاپتارىمەن ءبولىستى.

اعىمداعى جىلى فەستيۆال تۇڭعىش رەت نۇر-سۇلتان قالاسىنىڭ كىتاپسۇيەر قاۋىمىن قۋانتپاق.

«KITAP FEST 2019» اياسىندا بىرنەشە ءىس-شارا جوسپارلانعان. ولار:

- «IBOOKYOU» كىتاپ الماسۋ ءداستۇرى. بۇل - جەكە كىتاپحانانى ءتۇرلى جانرداعى كوپتەگەن قىزىقتى كىتاپتارمەن تولىقتىرۋدىڭ بىردەن-ءبىر مۇمكىندىگى.

- جازۋشىلار الاڭى. وتاندىق جازۋشىلار 2018-2019 جىلدارى جازعان كىتاپتارىنىڭ تانىستىرىلىمىن وتكىزەدى. شاقىرىلعان قوناقتار: تانىمال پيانيست، قازاقستانننىڭ حالىق ءارتىسى ءجانيا اۋباكىروۆا، ەڭبەك سىڭىرگەن جۋرناليست، فيلوسوفيا عىلىمدارىنىڭ كانديداتى، زەرتتەۋشى زيرا ناۋرىزباەۆا، اكتريسا، «توميريس» تاريحي دراماسىنداعى باستى ءرولدى سومداۋشى الميرا تۇرسىن، جۋرناليست، بالالارعا ارنالعان ەرتەگىلەر جيناعىنىڭ اۆتورى گۋلجازيرا بەرىكقىزى، جازۋشى، پروديۋسەر، رەجيسسەر، «100 جاڭا ەسىم» جوباسىنىڭ جەڭىمپازى ايديە ايداربەكوۆ جانە ت.ب.

- «كىتاپ وففلاين». بۇل جەردە وقىرماندار قوعام قايراتكەرلەرىمەن، جۋرناليستەرمەن، پىكىر كوشباسشىلارىمەن، تابىستى كاسىپكەرلەرمەن تانىسىپ، كىتاپ تاقىرىبىنداعى وزەكتى ماسەلەلەردى تالقىلاي الادى. شاقىرىلعان قوناقتاردىڭ ىشىندە بەلگىلى بلوگەرلەر وركەن كەنجەبەك، اينا دوسماحامبەتقىزى جانە "Jەff Tailor" ەرلەرگە ارنالعان تىگىن اتەلەسىنىڭ يەسى گاۋحار وتەلباەۆا، I Book You كىتاپ پورتالىنىڭ نەگىزىن قالاۋشى مارينا شاريپوۆا بار.

- كىتاپ جارمەڭكەسى. كىتاپ دۇكەندەرى، باسپا ۇيلەر مەن ينتەرنەت دۇكەندەر ءوز ونىمدەرىنىڭ كورمەسىن ۇسىنادى. ۇناعان ادەبيەتتى ساتىپ الۋ مۇمكىندىگى دە قاراستىرىلعان.

- اقىن-جازۋشىلار مەن حح عاسىردىڭ باسىنداعى وقۋ ۇستىندەگى قازاقتاردىڭ سيرەك فوتولارى قويىلاتىن ارحيۆتىك فوتوسۋرەتتەر كورمەسى.

- بالالارعا ارنالعان ويىن-ساۋىق باعدارلاماسى.

اقپارات ءۇشىن: «BAURZHAN» جەكە قورى الەۋمەتتىك جوبالاردى جۇزەگە اسىرۋمەن اينالىسادى. «KITAP FEST 2019» وقىرمان مادەنيەتىن قالىپتاستىرۋ، جازۋشىلار مەن وقىرماندارعا بىرىڭعاي الاڭ ۇسىنۋ، جاستار مەن بالالاردىڭ كىتاپقا دەگەن قىزىعۋشىلىعىن ارتتىرۋ سىندى ماقساتتاردى كوزدەيدى.

جوبا نۇر-سۇلتان قالاسى اكىمدىگى «استانا جاستارى» مەملەكەتتىك كوممۋنالدىق مەكەمەسىنىڭ قولداۋىمەن جۇزەگە اسىرىلۋدا.

سوڭعى جاڭالىقتار