20 تامىز, 23:50 364 0 جاڭالىقتار Túrkistan Gazeti

نۇر-سۇلتان قالاسىنداعى اۋەجايعا ۇشاق اپاتتى جاعدايدا قوندى

سانيا (قىتاي)-نۇر-سۇلتان باعدارى بويىنشا ۇشاق اپاتتى جاعدايدا قوندى، دەپ حابارلايدى قازاقپارات.

«بۇگىن Scat اۋە كومپانياسىنىڭ سانيا (قىتاي)-نۇر-سۇلتان باعدارى بويىنشا VSV464 رەيسىن ورىنداۋعا ۇشقان B757 اۋە كەمەسى ساعات 16.58 ۋاقىتىندا شۇعىل قوندى. سانيا اۋەجايىنىڭ ديسپەتچەرلىك قىزمەتىنىڭ الدىن الا بەرگەن اقپاراتىنا سايكەس، رەزەڭكەنىڭ قالدىقتارى انىقتالعان. اۋە كەمەسىنە بەلگىسىز زات سوعىلىپ، ءشاسسيدىڭ سول جاق نەگىزگى تاعانىن تىرەيتىن ارتقى دوڭگەلەكتىڭ جوعارعى قاباتى تىلىنگەن»، - دەپ حابارلادى قر يدم ازاماتتىق اۆياتسيا كوميتەتىنەن.

Scat اۋە كومپانياسى نۇر-سۇلتان قالاسىنىڭ اۋەجايىنىڭ جەردەگى قىزمەتىمەن اۋە كەمەسىنىڭ قاۋىپسىز قونۋىن قامتاماسىز ەتۋ باعىتىندا ارەكەت ەتكەن. «ۇشاق جەرگە قاۋىپسىز قوندى. ەكيپاج قۇرامىندا 7 ادام، جولاۋشىلاردىڭ سانى 234 بولعان. قازىرگى ۋاقىتتا قر يدم اۆياتسيالىق وقيعالار مەن جاعدايلاردى تەرگەۋ بويىنشا باسقارمانىڭ كوميسسياسى تەرگەۋ جۇرگىزىپ جاتىر»، - دەدى  كوميتەت.

سوڭعى جاڭالىقتار