20 تامىز, 21:04 322 0 جاڭالىقتار Túrkistan Gazeti

بقو تۇرعىنى 13 جاسار بالاعا زورلىق كورسەتتى دەپ ايىپتالۋدا

باتىس قازاقستان وبلىسىندا اۋىل تۇرعىنى 13 جاستاعى ەر بالاعا سەكسۋالدىق سيپاتتاعى زورلىق-زومبىلىق كورسەتتى دەپ ايىپتالىپ وتىر. كۇدىكتى ەكى ايعا قاماۋعا الىندى، دەپ حابارلايدى قازاقپارات «موي گورود» پورتالىنا سىلتەمە جاساپ.

ەر ادامنىڭ 13 جاسار بالاعا زورلىق-زومبىلىق ارەكەتىن جاساعاندىعى تۋرالى فاكتىنى اقجايىق اۋدانى اكىمىنىڭ مىندەتىن اتقارۋشى تىلەكقابىل عابدۋشەۆ راستادى.

«ءيا، مۇنداي دەرەك تىركەلدى. بىراق وعان قاتىستى پىكىر بىلدىرە المايمىن. سەبەبى تەرگەۋ شارالارى ءجۇرىپ جاتىر»، - دەدى تىلەكقابىل عابدۋشەۆ. بقو سوتىنىڭ ءباسپاسوز قىزمەتىندەگىلەر ايىپتالۋشى قر قك-ءنىڭ 121-بابى 3-بولىگىنە (كامەلەتتىك جاسقا تولماعان تۇلعاعا قاتىستى سەكسۋالدىق سيپاتتاعى زورلىق-زومبىلىق ارەكەتتەرى) سايكەس 2 ايعا قاماۋعا الىنعانىن ءمالىم ەتتى.

سوڭعى جاڭالىقتار