20 تامىز, 20:58 315 0 جاڭالىقتار Túrkistan Gazeti

ەلىمىزدىڭ 2 وبلىسىندا مامانداندىرىلعان پروكۋراتۋرا قۇرىلدى

الماتى جانە شىعىس قازاقستان وبلىستارىندا مامانداندىرىلعان پروكۋراتۋرا قۇرىلدى، دەپ حابارلايدى قازاقپارات باس پروكۋراتۋرانىڭ ءباسپاسوز قىزمەتىنە سىلتەمە جاساپ.

قر باس پروكۋراتۋرى عيزات نۇرداۋلەتوۆتىڭ توراعالىعىمەن، قاۋىپسىزدىك كەڭەسىنىڭ حاتشىسى قالمۇحانبەت قاسىموۆتىڭ قاتىسۋىمەن، قۇقىق قورعاۋ جانە مەملەكەتتىك ورگانداردىڭ باسشىلارى قىلمىستىق-اتقارۋ جۇيەسىندەگى زاڭدىلىقتىڭ جاي-كۇيى تالقىلاندى. باس پروكۋرور قابىلدانعان شارالارعا قاراماستان، قاج مەكەمەلەرىندە ءالى دە بولسا سوتتالعانداردىڭ قۇقىقتارىن بۇزۋعا جول بەرىلەتىنىن اتاپ ءوتتى. وسىعان وراي ەل پرەزيدەنتى باس پروكۋراتۋراعا ازاپتاۋلارعا مۇقيات تەكسەرۋ جۇرگىزۋدى، ال ءىىم-گە تۇزەۋ مەكەمەلەرىن جاڭعىرتۋدى جانە ازاماتتىق باقىلاۋدى كۇشەيتۋدى تاپسىردى.

ۇيلەستىرۋ كەڭەسى مۇشەلەرىنىڭ پىكىرىنشە، جاعدايدى تۇزەتۋ ءۇشىن كەشەندى شارالار، سونىڭ ىشىندە باراقتان كامەرادا ۇستاۋعا كوشۋ، مەديتسينالىق بولىمدەردى كولونيالار اكىمشىلىكتەرىنىڭ باعىنىسىنان شىعارۋ، سوتتالعانداردى ءبولۋ مەن اۋىستىرۋدى اۆتوماتتاندىرۋ، بەينەباقىلاۋ مەن تىركەۋشىلەردى ورناتۋ، شاعىم بەرۋگە ارنالعان تەرمينالدار جانە ت. ب. ايتىلدى. بىرقاتار ءىس-شارالار باس پروكۋراتۋرانىڭ قاتىسۋىمەن ازىرلەنگەن ىشكى ىستەر ورگاندارى مەن قىلمىستىق-اتقارۋ جۇيەسىن رەفورمالاۋ جونىندەگى جول كارتالارىنان تۇرادى. پروكۋرورلىق تەكسەرۋلەر، قۇقىق قورعاۋشىلاردىڭ ەسەپتەرى، سوتتالعانداردىڭ شاعىمدارى كولونيالارداعى ازاپتاۋلاردىڭ ءالى كۇنگە دەيىن ورىن الىپ وتىرعانىن كورسەتەدى. وڭىرلەردە پروكۋرورلار وسى باعدارلامالىق قۇجاتتاردىڭ ساپاسى مەن ىسكە اسىرىلۋ مەرزىمدەرىنە تۇراقتى قاداعالاۋدى قامتاماسىز ەتەدى.

سونىمەن قاتار، باس پروكۋرور سوتتالعاندارعا قاتىستى زورلىق-زومبىلىقتىڭ بارلىق فاكتىلەرى بويىنشا قاتاڭ شارالار قابىلداۋدى، كىنالىلەردىڭ، سونىڭ ىشىندە الماتى وبلىسىنىڭ كولونياسىنداعى ازاپتاۋعا قاتىسى بار بارلىق كىنالىلەردىڭ جازادان قۇتىلماۋلارىنا قول جەتكىزۋدى تاپسىردى.

بۇگىنگى تاڭدا پروكۋرورلار وسىنداي فاكتىلەر بويىنشا 23 قىلمىستىق ءىستى سوتقا جولدادى. ۇيلەستىرۋ كەڭەسىنىڭ قورىتىندىسى بويىنشا قىلمىستىق جازالاردىڭ ورىندالۋ زاڭدىلىعىن قاداعالاۋدىڭ تيىمدىلىگىن ارتتىرۋ ماقساتىندا الماتى جانە شىعىس قازاقستان وبلىستارىندا ەكى مامانداندىرىلعان پروكۋراتۋرا قۇرۋ تۋرالى شەشىم قابىلداندى، وندا كولونيالاردا ەل بويىنشا بارلىق سوتتالعانداردىڭ شامامەن 30%-ى ۇستالادى.

سوڭعى جاڭالىقتار