20 تامىز, 18:25 335 0 جاڭالىقتار Túrkistan Gazeti

اقتوبەدە ۇستىنە تەلەديدار قۇلاعان بالا مەرت بولدى

اقتوبە قالاسىندا 3 جاسار بالا وقىس جاعدايدا كوز جۇمدى، دەپ حابارلايدى قازاقپارات ءتىلشىسى.

وقيعا 19 تامىز كۇنى ساعات 21:50-دە بولعان. 3 جاس 5 ايلىق بالا اقتوبە مەديتسينالىق ورتالىعىنىڭ بالالار اۋرۋحاناسىنا ەس-ءتۇزسىز جەتكىزىلگەن. «دارىگەرلەر بىردەن جانساقتاۋ بولىمىنە اپارىپ، قۇتقارۋ جۇمىستارىن جۇرگىزدى، وكىنىشكە وراي بالانا امان الىپ قالا المادى.

دياگنوزى – اشىق باس-مي جاراقاتى. بالانىڭ باسىنا قاتتى زاقىم كەلگەن. باس سۇيەگىنىڭ نەگىزگى بولىگى سىنعان. كەۋدە تۇسىنداعى سۇيەك سىنىپ، وكپەسىنە قان قۇيىلعان»، - دەپ حابارلادى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى. دارىگەرلەرگە اناسى بالانىڭ ۇستىنە تەلەديدار قۇلاپ كەتكەنىن ايتىپ بەرگەن. بالانىڭ ءولىمى تىركەلگەن سوڭ سوت-مەديتسينالىق ساراپتاماعا جىبەرىلدى.

سوڭعى جاڭالىقتار