20 تامىز, 18:15 332 0 جاڭالىقتار Túrkistan Gazeti

ارىستىڭ بەس سەكتورىندا قالپىنا كەلتىرۋ جۇمىستارى اياقتالدى

20 تامىزداعى جاعداي بويىنشا، ارىس قالاسىندا 7056 جەكە جانە كوپ پاتەرلى ۇيلەر قالپىنا كەلتىرىلدى. بۇل تۋرالى قازاقپارات قر يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتىنە سىلتەمە جاساپ حابارلايدى.

جامبىل، قاراعاندى، قىزىلوردا، تۇركىستان وبلىستارى مەن سقو سەكتورلارىندا قۇرىلىس جۇمىستارى تولىعىمەن اياقتالدى. پاۆلودار، ماڭعىستاۋ، اقتوبە جانە اقمولا وبلىستارىنىڭ سەكتورلارى 99%-عا قالپىنا كەلتىرىلدى. ارىستىڭ تۇرعىن ءۇي قورىندا 5 مىڭنان استام جۇمىسشى جۇمىسىن جالعاستىرۋدا.

بۇگىنگى كۇنى 698 تۇرعىن ۇيدە ارلەۋ جۇمىستارى جۇرگىزىلۋدە، تاعى 41 ءۇيدى قۇرىلىسشىلار نولدەن باستاپ تۇرعىزدى. مەنشىك يەلەرىنىڭ كەلىسپەۋىنە بايلانىستى 34 ۇيدە جوندەۋ جۇمىستارى جۇرگىزىلمەي تۇر. 2 مىڭعا جۋىق قۇرىلىسشى الەۋمەتتىك نىسانداردا جۇمىس ىستەيدى، ولار ءبىلىم بەرۋ مەكەمەلەرىنىڭ 50 عيماراتىن، 4 دەنساۋلىق ساقتاۋ نىسانىن جانە ەكى سپورت مەكتەبىن پايدالانۋعا تاپسىردى. سونداي-اق قالادا 316 جوندەلگەن كوممەرتسيالىق نىسان جۇمىس ىستەۋدە.

تەگتەر ارىس

سوڭعى جاڭالىقتار