20 تامىز, 16:22 258 0 ايماق Túrkistan Gazeti

200 مىڭ تەڭگە پارا العان اكىم ون ملن تەڭگە ايىپپۇل تولەيدى

جامبىل وبلىسىنىڭ بايزاق اۋدانىنداعى جاڭاتۇرمىس اۋىلدىق وكرۋگىنىڭ اكىمى پارا العانى ءۇشىن ايىپپۇل ارقالادى، دەپ حابارلايدى قازاقپارات.

قر سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى بايزاق اۋدانى جاڭاتۇرمىس اۋىلدىق وكرۋگىنىڭ اكىمى ق. شالباەۆقا قاتىستى سوتقا دەيىنگى تەرگەۋدى اياقتادى.

«ق.شالباەۆ جاڭاتۇرمىس اۋىلدىق وكرۋگى اۋماعىندا جەر تەلىمىن بەرۋ تۋرالى وڭ شەشىم شىعارعانى ءۇشىن 200 مىڭ تەڭگە پارا اللدى دەگەن كۇدىكپەن ۇستالعان بولاتىن. 16 تامىزدا بايزاق اۋداندىق سوتىنىڭ ۇكىمىمەن شالباەۆقا 10 ملن تەڭگە كولەمىندە ايىپپۇل سالىندى. ول، سونداي-اق ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى. اتالمىش ايىپپۇل سوت ۇكىمى زاڭدى كۇشىنە ەنگەن كۇننەن باستاپ 6 اي ىشىندە تولەنۋى ءتيىس. ويتپەگەن جاعدايدا جازا باس بوستاندىعىنان ايىرۋ شاراسىنا اۋىستىرىلادى»، - دەلىنگەن دەپارتامەنت تاراتقان اقپاراتتا.

سوڭعى جاڭالىقتار