20 تامىز, 16:20 249 0 كولىك Túrkistan Gazeti

الماتىدا اناسى مەن بالاسىن قاعىپ ولتىرگەن جۇرگىزۋشى ۇستالدى

الماتى قالاسىنىڭ بۇرىنداي كوشەسىندە ايەل مەن كىشكەنتاي بالانى قاعىپ كەتىپ، وقيعا ورنىنان ءىزىن جاسىرعان جۇرگىزۋشى ۇستالدى، دەپ حابارلايدى قازاقپارات ءتىلشىسى.

جول-كولىك وقيعاسى 9 تامىز كۇنى بولعان ەدى. بۇرىنداي كوشەسىندە 23 جاستاعى كەلىنشەك پەن ونىڭ 5 جاسار ۇلىن «BMV» كولىگى قاعىپ كەتتى. ايەل وقيعا ورنىندا كوز جۇمدى. ءبۇلدىرشىن اۋرۋحاناعا شۇعىل جەتكىزىلگەنىمەن، ءومىرىن ساقتاپ قالۋ مۇمكىن بولمادى. «جۇرگىزۋشى وقيعا ورنىنان قاشىپ كەتتى. ونى ىزدەۋ ءۇشىن ارنايى جەدەل-تەرگەۋ توبى قۇرىلدى. 1986 جىلى تۋعان كۇدىكتى ۇستالدى. قر قىلمىستىق ءىس جۇرگىزۋ كودەكسىنىڭ 128-بابىنا سايكەس ۋاقىتشا ۇستاۋ يزولياتورىنا قامالدى. كولىك الىنىپ، قىلمىستىق ءىس ماتەريالدارىنا تىركەلدى»، - دەپ حابارلادى الماتى پوليتسيا دەپارتامەنتىنىڭ تەرگەۋ باسقارماسىنان.

سونداي-اق پوليتسيادان ءمالىم ەتكەندەي، ازامات د.-عا قىلمىستىق كودەكستىڭ بىردەن ەكى بابى بويىنشا ايىپ تاعىلۋدا: 345-بابى 4-بولىگى – ەكى نەمەسە ودان كوپ ادامنىڭ ولىمىنە اكەپ سوعۋى جانە 347-بابى – وقيعا ورنىنان كەتىپ قالۋ.

سوڭعى جاڭالىقتار