20 تامىز, 13:03 314 0 ءبىلىم ءTúrkىstan International Political Weekly

جوو رەكتورلارىن تاعايىنداۋ ءتارتىبى وزگەردى

قازاقستاندا جوو-نىڭ رەكتورلارىن تاعايىنداۋ ءتارتىبى وزگەردى.

بۇل تۋرالى ءبىلىم جانە عىلىم ءمينيسترى اسحات ايماعامبەتوۆ Facebook جەلىسىندەگى پاراقشاسىندا جازدى.

"مەملەكەت باسشىسىنىڭ جارلىعىمەن ۇلتتىق جوو-نىڭ رەكتورلارىن تاعايىنداۋ ءتارتىبى وزگەردى. مەنىڭشە، بۇل ماڭىزدى شەشىم. 2008 جىلدان باستاپ ۇلتتىق جوعارى وقۋ ورىندارىنىڭ رەكتورلارى قر پرەزيدەنتى تاعايىندالىپ كەلدى. بۇل شەشىم سول كەزدەگى ءىرى جوعارى وقۋ ورىندارىنا باسقارۋ جانە اكادەميالىق دەربەستىك بەرۋ قاجەتتىلىگىنەن تۋىنداعان بولاتىن. "نازارباەۆ ۋنيۆەرسيتەتى" دببۇ جۇمىسىنىڭ مىسالىندا ۇلتتىق ۋنيۆەرسيتەتتەردىڭ جۇمىسىنا ءبىلىم جانە عىلىم مينيسترلىگى تىكەلەي ارالاسپاۋدى كوزدەدى", - دەپ جازدى مينيستر.

ايماعامبەتوۆتىڭ ايتۋىنشا، مۇنداي ساياسات ءوز ناتيجەسىن بەردى.

"دەگەنمەن باسەكەنىڭ جوقتىعى جانە "پرەزيدەنت تاعايىنداۋى" مارتەبەسى وقۋ ورنىنىڭ دامۋىنا وڭ ىقپالىن تيگىزبەيدى. سونىمەن قاتار، وتكەن جىلى اكادەميالىق جانە باسقارۋ دەربەستىگى تۋرالى زاڭنىڭ قابىلدانۋىنا بايلانىستى بارلىق جوعارى وقۋ ورىندارى قوسىمشا وكىلەتتىكتەر مەن ەركىندىكككە قول جەتكىزدى.  سول سەبەپتى مەملەكەت باسشىسى 2019 جىلدان باستاپ ۇلتتىق جوعارى وقۋ ورىندارىنىڭ رەكتورلارىن كونكۋرستىق نەگىزدە تاعايىنداۋ تۋرالى شەشىم قابىلدادى", - دەيدى ايماعامبەتوۆ.

"رەكتورلاردى كونكۋرستىق نەگىزدە تاعايىنداۋ ناتيجەسىندە قانداي ارتىقشىلىقتارعا قول جەتكىزەمىز؟ بىرىنشىدەن، اشىق كونكۋرس. بۇل كەزەڭدە رەكتور لاۋازىمى كانديداتۋراسى تالاپتارىنا سايكەس كەلەتىن كەز كەلگەن ادام كونكۋرسقا قاتىسۋعا ءوتىنىش بەرە الادى. ەكىنشىدەن، ايقىندىلىق. بارلىق كانديداتتار ءتيىستى جوو-نىڭ باقىلاۋ كەڭەسىندە اڭگىمەلەسۋدەن وتەدى. ۇشىنشىدەن، باعدارلامالار سايىسى مەن باسەكەلەستىك. بۇدان ءارى، ءبىلىم جانە عىلىم ءمينيسترىنىڭ توراعالىعىمەن رەسپۋبليكالىق كوميسسيا ۇمىتكەرلەرى ۇسىنىپ وتىرعان "جوعارى وقۋ ورىندارىن دامىتۋ باعدارلامالارى" جوبالارىن قاراستىرادى. تورتىنشىدەن، قوعام الدىنداعى جاۋاپكەرشىلىك. مەملەكەت باسشىسىنىڭ تاپسىرماسى ءسوزسىز جۇزەگە اسىرىلاتىن بولادى. ءوز تاراپىمىزدان، وتكىزىلەتىن كونكۋرستاردىڭ ايقىندىلىعى مەن ادالدىعىن قامتاماسىز ەتۋ ءۇشىن بار كۇشىمىزدى سالامىز", - دەپ جازدى ءبىلىم جانە عىلىم ءمينيسترى.

تەگتەر جوو رەكتورلار

سوڭعى جاڭالىقتار