20 تامىز, 11:06 242 0 سپورت Túrkistan Gazeti

ميحايل كۋكۋشكين الەمدىك رەيتينگتە جوعارىلادى

مەكسيكانىڭ لوس كابوس قالاسىندا وتكەن ATP ساناتىنداعى جارىستا شيرەك فينالعا دەيىن جەتكەن قازاقستاندىق تەننيسشى ميحايل كۋكۋشكين الەمدىك رەيتينگتە جوعارىلادى. بۇل تۋرالۆ ەگەمەن قازاقستان گازەتىنىڭ سايتى حابارلادى. 

ۇزدىكتەر تىزىمىندە 2 ساتىعا جوعارىلاعان جەرلەسىمىز قازىرگى كەزدە اتر رەيتينگىندە 44-ورىندا تۇر. بۇل – قازاقستاندىق تەننيس­شىلەر اراسىنداعى ەڭ ۇزدىك ناتيجە. وسىعان دەيىنگى ميحايل كۋكۋشكيننىڭ ەڭ جاقسى كورسەتكىشى – 39-ورىن بولاتىن. سوڭعى ۋاقىتتا الەكساندر بۋبليك تە جاقسى ويىن ورنە­گىمەن كوزگە ءتۇسىپ، رەيتينگتە جوعارىلاپ كەلەدى. بۋبليك بۇگىندە 808 ۇپايمەن 75-ورىندا. ال الەكساندر نەدوۆەسوۆ توپ-200 تەننيسشىنىڭ قاتارىندا.

قىزدار اراسىنداعى رەيتينگتە يۋليا پۋتينتسەۆا دا سايىس سايىن ۇزدىك ناتيجە كورسەتەدى. وتكەن رەيتينگىدە 42-ورىندا بولسا، بۇل جولى ءۇش ساتى جوعارىلاپ 39-ورىنعا جايعاستى. ال بۇعان دەيىن قازاقستاننىڭ ءۇشىنشى راكەتكاسى سانالىپ كەلگەن ەلەنا رىباكينا ەكىنشى ورىنداعى زارينا دياستى باسىپ وزدى. جاڭارتىلعان رەيتينگتە رىباكينا 67-ءشى، دياس 77-ورىندا تۇر.

سوڭعى جاڭالىقتار