20 تامىز, 10:28 270 0 ىشكى ساياسات ءTúrkىstan International Political Weekly

سقو مادەنيەت باسقارماسىنا جاڭا باسشى تاعايىندالدى

سولتۇستىك قازاقستان وبلىسىنىڭ مادەنيەت، ارحيۆتەر جانە قۇجاتتاما باسقارماسىنا جاڭا باسشى تاعايىندالدى.

وبلىس اكىمى ءباسپاسوز قىزمەتىنىڭ حابارلاۋىنشا، ۆەدومستۆو 34 جاستاعى قۇرالبەك اتامۇراتوۆقا سەنىپ تاپسىرىلعان.

ق. اتامۇراتوۆ 2001 جىلى اقمولا وبلىسى تسەلينوگراد اۋدانىنىڭ اقمول اۋىلىنداعى ورتا مەكتەپتى بىتىرگەن، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ حالىقارالىق قاتىناستار فاكۋلتەتىندە وقىپ، «قوعاممەن بايلانىس» ماماندىعىن الىپ شىققان.

2005-2009 جىلدارى قر مادەنيەت جانە اقپارات مينيسترلىگىندە جۇمىس ىستەگەن.

2010-2012 جىلدارى «ازىق-تۇلىك كەلىسىم شارت كورپوراتسياسى» ۇلتتىق كومپانياسى» اق ءباسپاسوز حاتشىسى قىزمەتىن اتقارعان.

2013 - 2019 جىلدارى مادەنيەت جانە اقپارات سالاسىنا ماماندانعان كوممەرتسيالىق قۇرىلىمداردى باسقارعان. الماتى قالاسىنداعى اۋقىمدى مادەني شارالاردى ۇيىمداستىرعان، «قازاقستان» رترك، «حابار»، «31-ارنا»، «الماتى» تەلەارنالارىندا تەلە-ۆيدەوونىمدەردى شىعارۋعا پروديۋسەر بولعان.

قازىرگى لاۋازىمىنا تاعايىندالعانعا دەيىن قازاقستاننىڭ اۆتوجولشىلار قاۋىمداستىعىنىڭ ۆيتسە-پرەزيدەنتى بولدى.

ايتا كەتەيىك، وبلىستا مادەنيەت، ارحيۆتەر جانە قۇجاتتاما باسقارماسىنىڭ باسشىسى لاۋازىمى اقپان ايىنان بەرى بوس تۇرعان ەدى.

 

سوڭعى جاڭالىقتار