19 تامىز, 18:00 279 0 كولىك Túrkistan Gazeti

الماتىنىڭ ءال- فارابي داڭعىلىندا 80 كم/ساع جىلدامدىقپەن قايتا جۇرۋگە بولادى

الماتىنىڭ ءال-فارابي داڭعىلىندا ساعاتىنا 80 شاقىرىم جىلدامدىقپەن جۇرۋگە قايتا رۇقسات ەتىلدى، دەپ حابارلايدى قازاقپارات.

قالا بيلىگىنەن ءمالىم ەتكەندەي، تۇرعىنداردان اۆتوجولدارعا قاتىستى كوپتەگەن ۇسىنىستار تۇسەدى. اسىرەسە، ءال-فارابي داڭعىلىندا 80 كم/ساعاتپەن جۇرۋگە قايتا رۇقسات بەرۋ وتىنىشتەرى بار. الماتى اكىمدىگىنەن اتاپ وتكەندەي، «ءىس جۇزىندە قالا اكىمشىلىگى قوعامدىق قىسىمدا قالىپ وتىر».

ءال-فارابي داڭعىلى مەن شىعىس اينالما جولى - بۇل قالانىڭ نەگىزگى ترانزيتتىك ماگيسترالدارى. شەت مەملەكەتتەردىڭ تاجىريبەسى جىلدامدىقتى شەكتەۋ ورتالىق كوشەلەرگە كوبىرەك قولدانىلاتىنىن كورسەتەدى، دەدى جەرگىلىكتى اتقارۋشى ورگاننان. «تاجىريبە كورسەتكەندەي، رۇقسات ەتىلگەن جىلدامدىقتى 60 كم/ساعاتقا دەيىن تومەندەتكەنىمەن، اپاتتى جاعداي قالادا جاقسارعان جوق. وكىنىشكە وراي، جول-كولىك وقيعالارىنىڭ سانى ارتۋ ۇستىندە»، - دەيدى اكىمدىكتەگىلەر.

شىعىس اينالما جولى مەن ءال-فارابي داڭعىلىنا بۇرىنعى جىلدامدىق رەجىمىن قايتارۋدى الماتى قالاسىنىڭ قوعامدىق كەڭەسى دە ۇسىنعان بولاتىن. «سوندىقتان، قوعام تاراپىنان تۇسكەن كوپ ءوتىنىشتى نازارعا الا وتىرىپ، الماتى اكىمدىگى شىعىس اينالما جولى مەن ءال- فارابي داڭعىلىنا رۇقسات ەتىلگەن 80 كم/ساعات جىلدامدىقتى قايتارۋ جونىندە شەشىم قابىلدايدى. بۇل بىرىڭعاي اينالما جولىنا ەنەتىن كوشەلەرگە قاتىستى وڭ شارا بولىپ تابىلادى»، - دەلىنگەن حابارلامادا.

سوڭعى جاڭالىقتار