19 تامىز, 16:07 274 0 جاڭالىقتار Túrkistan Gazeti

قورعانىس مينيسترلىگى الپينيستەردى قۇتقارۋ وپەراتسياسىن باستادى

قورعانىس مينيسترلىگى قىرعىز تاۋلارىندا جوعالعان الپينيستەر مۇرات وتەپباەۆ، اندرەي كورنەەۆ، الەكساندر چەچۋليندى قۇتقارۋ وپەراتسياسىن باستادى. بۇل تۋرالى مينيسترلىكتىڭ ءباسپاسوز قىزمەتى حابارلادى.

مينسترلىكتىڭ ءباسپاسوز قىزمەتى تاراتقان اقپاراتقا قاراعاندا، الپينيستەردىڭ ءبىرى قازا بولۋى مۇمكىن. قۇتقارۋشىلار توبىنا ايگىلى الپينيست ماقسۇت جۇماەۆ جەتەكشىلىك ەتۋدە. توپ قۇرامىندا اعا لەيتەنانت ۆاسيلي پيۆتسوۆ پەن مايور امانجول راحمەتوۆ بار.

اسكەري قىزمەتشىلەر تاۋلىك بويى تولىق جاۋىنگەرلىك ازىرلىكتە بولدى جانە ۇشۋعا رۇقسات كۇتىپ وتىردى. قر توتەنشە جاعدايلار كوميتەت ۇسىنعان تىكۇشاق كومەگىمەن 4400 مەتر بيىككە كوتەرىلىپ، الپينيستەردىڭ بازالىق لاگەرىندە ىزدەستىرۋ جۇمىستارىن باستايدى.

«اۋا رايىنىڭ كۇرت ناشارلاۋىنا ىزدەۋ جۇمىستارىن قيىنداتۋدا. سوندىقتان اسكەريلەر تەپلوۆيزور قۇرالىن پايدالانباقشى. مۇنداي بيىكتىكتە جۇمىس ىستەۋ ءۇشىن جەردىڭ سىرىن بىلەتىن قۇتقارۋشىلاردى جىبەرۋ وتە ماڭىزدى بولدى. قۇتقارۋ وپەراتسياسىنا قاتىسۋشىلار جاقىندا رەسەيدىڭ جوعارعى شىڭىندا وتكەن الپينيزم بويىنشا «ەلبرۋس شەڭبەرى 2019» حالىقارالىق جارىسىنان كەلگەن بولاتىن»، - دەلىنگەن ءباسپاسوز قىزمەتىنىڭ مالىمەتىندە.

سوڭعى جاڭالىقتار