19 تامىز, 16:39 269 0 قوعام ءTúrkىstan International Political Weekly

قىزمەتتىك كولىكتىڭ "قىزىعىن" كورگەن باسشى جازالاندى

وسكەمەن قالاسى اكىمىنىڭ ورىنباسارى سەرىك جەڭىسوۆ قىزمەتتىك كولىگىن جەكە ماقساتقا پايدالانعان.

قر مەملەكەتتى قىزمەت ىستەرى اگەنتتىگىنىڭ وبلىستىق ادەپ كەڭەسىنىڭ وتىرىسىندا وسكەمەن قالاسى اكىمىنىڭ ورىنباسارى سەرىك جەڭىسوۆ قىزمەتتىك كولىگىن جەكە ماقساتقا پايدالانعانى ءۇشىن ادەپ كودەكسىنىڭ نورمالارىن بۇزدى دەپ ايىپتالعان.

«وسى تەرىس قىلىق جاساعانى ءۇشىن ادەپ جونىندەگى كەڭەس قالا اكىمىنە ەسكەرتۋ تۇرىندە تارتىپتىك جازا قولدانۋدى ۇسىندى. ياعني، ول ەسكەرتۋ الدى»، - دەپ حابارلادى دەپارتامەنتتىڭ ءباسپاسوز قىزمەتى.

كەڭەس بارىسىندا ءدال وسىنداي نورماعا قايشى ارەكەتتەر كوكپەكتى، گلۋبوكوە جانە زايسان اۋداندارىندا دا تىركەلگەنى ايتىلدى. ال شقو پوليتسيا دەپارتامەنتىنىڭ اكىمشىلىك پوليتسيا باسقارماسىنىڭ باستىعى ەرنار بەكنازاروۆ اكىمدىك جۇرگىزۋشىلەرىنىڭ ايىپپۇل تولەۋدەن ءجيى جالتاراتىنىن ايتادى.

«مىسالى، اياگوز اۋدانىندا اكىم اپپاراتىنىڭ جۇرگىزۋشىسى ومارعازين وتكەن جىلدان باستاپ ايىپپۇل تولەمەگەن. ءبىز ومارعازين مەن اكىم اپپاراتىنا ايىپپۇل تۋرالى جازباشا ەسكەرتۋ جىبەرگەنبىز، بىراق ءالى تولەنگەن جوق. اقىرىندا ماتەريالدى سوت ورىنداۋشىلارعا جىبەردىك. ءاربىر باسشى مۇنداي فاكتىلەر ءۇشىن جاۋاپكەرشىلىكتى سەزىنۋى ءتيىس. مەملەكەتتىك ورگان جۇرگىزۋشىلەرى جول ەرەجەسىن بۇزۋ ارقىلى ءبىرىنشى كەزەكتە ءوز باسشىلارىنىڭ ابىرويىنا سىن كەلتىرەدى» - دەدى ەرنار بەكنازاروۆ ادەپ كەڭەسىنىڭ جيىنىندا.

سوڭعى جاڭالىقتار