19 تامىز, 15:24 287 0 ءبىلىم ءTúrkىstan International Political Weekly

الماتىدا مەكتەپ پەن بالاباقشا جەلىسى كوبەيەدى

الماتى اكىمى باقىتجان ساعىنتاەۆ اكىمدىكتىڭ مىندەتى – الداعى ءۇش جىلدا مەكتەپتەر مەن بالاباقشالاردى كوبەيتۋ ەكەنىن ايتتى.

«بىرلەسكەن جۇمىسىمىزدىڭ ماقساتى – «شەتى جوق قالا» قاعيداسى بويىنشا بارلىعىن ساپالى جانە زاماناۋي بىلىممەن قامتاماسىز ەتۋ. مەن الماتىنىڭ بارلىق اۋداندارىن ارالادىم. ءتۇرلى مەكتەپتەردى كوردىم. قالا تۇرعىندارى ءبىلىم ساپاسىن ارتتىرۋعا نيەتتى. سوندىقتان، نازارباەۆ زياتكەرلىك مەكتەپتەرىنىڭ تاجىريبەسىن قالاداعى بارلىق مەكتەپتەردە قولدانۋ كەرەك»، - دەدى باقىتجان ساعىنتاەۆ ءبىلىم بەرۋ جۇيەسى قىزمەتكەرلەرىنىڭ فورۋمىندا.

سونداي-اق، اكىم 2013 جىلدان بەرى قولدانىلىپ كەلە جاتقان كومپيۋتەرلىك بازانى جاڭارتىپ، مەكتەپتىڭ ماتەريالدىق-تەحنيكالىق نەگىزىن جاڭعىرتۋ قاجەتتىگىن اتاپ ءوتتى.

«ول ءۇشىن ءبىلىم بەرۋ باسقارماسىنا بارلىق مەكتەپتەردە اۋديت جۇرگىزىپ، ولاردى جاڭارتۋدىڭ ءۇش جىلدىق باعدارلاماسىن ازىرلەۋدى تاپسىردىم. پرەزيدەنت قاسىم-جومارت توقاەۆ مىندەتتەگەندەي، ءبىلىم بەرۋ سالاسىنداعى تەڭسىزدىكتى جويۋ ماڭىزدى. اكىمدىكتىڭ باستى مىندەتى – قالاداعى بارلىق مەكتەپتەرگە بىردەي جاعداي جاساۋ»، - دەدى اكىم.

باقىتجان ساعىنتاەۆتىڭ سوزىنشە، قالانىڭ ورتالىعىنداعى نەمەسە شەتىندەگى بولسىن، ولاردىڭ اتا-اناسىنىڭ مارتەبەسى مەن جاعدايىنا قاراماستان بارلىق بالا ساپالى ءبىلىم الۋى ءتيىس. «ءبىزدىڭ مىندەتىمىز – الداعى ءۇش جىلدا قالا تۇرعىندارىنا قولايلى جەردە مەكتەپتەر مەن بالاباقشالاردى كەڭەيتۋ. قالا تۇرعىندارى ورتالىقتاعى جانە شەتتەگى ءبىلىم بەرۋ ساپاسى مەن دەڭگەيىن تەڭەستىرۋدى عانا ەمەس، جاڭا مەكتەپتەر مەن بالاباقشالار اشۋدى قالايتىندارىن جەتكىزدى»، - دەپ تۇيىندەدى باقىتجان ساعىنتاەۆ.

 

سوڭعى جاڭالىقتار