19 تامىز, 12:33 273 0 جاڭالىقتار Túrkistan Gazeti

ارىس قالاسىندا 7034 ءۇي مەن 56 الەۋمەتتىك نىسان قالپىنا كەلتىرىلدى

19 تامىز كۇنى ارىس قالاسىنداعى 7034 ۇيدە نەگىزگى قالپىنا كەلتىرۋ جۇمىستارى اياقتالدى. ونىڭ 751-دە كوسمەتيكالىق جوندەۋ جۇمىستارى جۇرگىزىلۋدە. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

سونداي–اق 56 الەۋمەتتىك نىسان، ولار: 50 ءبىلىم بەرۋ، 4 دەنساۋلىق ساقتاۋ جانە 2 سپورت نىساندارى پايدالانۋعا بەرىلدى.

قالادا 7,5 مىڭ ادام جۇمىس ىستەيدى، ونىڭ 5 مىڭى تۇرعىن ءۇي قورىن قالپىنا كەلتىرۋدە. قازىرگى تاڭدا 33 اپاتتى جاعدايداعى ساماندى تۇرعىن ءۇيدىڭ ورنىنا قۇرىلىسشىلار كىرپىش ءۇي سالدى. جالپى، ساراپشىلاردىڭ قورىتىندىسى بويىنشا 455 جەكە تۇرعىن ءۇي قۇرىلىسىنىڭ نىسانى بۇزىلۋعا جاتادى. بارلىق كۇشتەر قازىر ولاردى قالپىنا كەلتىرۋگە جىبەرىلدى.

سونىمەن قاتار مەنشىك يەلەرىنىڭ كەلىسپەۋى سەبەبىنەن 34 ۇيدە جوندەۋ جۇمىستارى ءالى باستالعان جوق. داۋلى ماسەلەلەردى 17 سەكتوردا بەكىتىلگەن اكىمدىكتەردىڭ وكىلدەرى پىسىقتايدى.

تەگتەر ارىس قالاسى

سوڭعى جاڭالىقتار