16 تامىز, 17:38 354 0 سپورت Túrkistan Gazeti

تيمۋر قۇلىباەۆ قازاقستاندىقتاردى سپورت كۇنىمەن قۇتتىقتادى

قازاقستاندىقتار تامىز ايىنىڭ ءۇشىنشى جەكسەنبىسىندە سپورت كۇنىن اتاپ وتەدى. بۇل مەرەكە 2003 جىلى پرەزيدەنت جارلىعىمەن بەكىتىلگەن.

قازاقستان ۇلتتىق وليمپيادالىق كوميتەتىنىڭ پرەزيدەنتى تيمۋر قۇلىباەۆ قازاقستاندىقتاردى اتالعان مەرەكەمەن قۇتتىقتادى.

«بۇل تەك قانا سپورتشىلار مەن باپكەرلەردىڭ ەمەس، بارلىق بەلسەندى جانداردىڭ، جانكۇيەرلەر مەن ەل پاتريوتتارىنىڭ جانە سالاۋاتتى ءومىر سالتىن ۇستاناتىن حالىقتىڭ مەرەكەسى.

سپورت – ادالدىق پەن تەڭدىكتىڭ الەمى. وليمپياداشىلار مەن پاراليمپياداشىلاردان ۇلگى العان ءاربىر ادام الدىنا ماقسات قويىپ، سول ماقساتقا جەتۋ جولىندا ەڭبەكتەنەدى. سپورت ءار قۇرلىق پەن ءتۇرلى ەل تۇرعىندارىن بىرىكتىرەتىن كۇش. ولاردىڭ اراسىندا ءبىر تۋ استىنا جينالعان قازاقستاندىقتار دا بار.

بىرنەشە ايدان سوڭ ءبىز ەڭ ءىرى سپورتتىق وقيعا – توكيوداعى وليمپيادا ويىندارىنىڭ قاتىسۋشىلارى مەن كۋاگەرلەرى اتانامىز. جانكۇيەرلەر ءوز كومانداسىنا رۋح بەرىپ، وليمپياداشىلارعا قولداۋ كورسەتەتىنىنە سەنىمىم مول.

سىزدەرگە شىن جۇرەكتەن تابىس جانە دەنساۋلىق تىلەيمىن! سپورت كۇنى قۇتتى بولسىن! وتاندىق سپورتتىڭ جەتىستىگى ارتا بەرسىن!».

سوڭعى جاڭالىقتار