16 تامىز, 15:46 357 0 ءبىلىم Túrkistan Gazeti

ساۋدا جانە ينتەگراتسيا مينيسترلىگى ۆەدومستۆونىڭ قوعامدىق كەڭەسىن قۇرۋعا كىرىستى

بۇگىن قازاقستان رەسپۋبليكاسى ساۋدا جانە ينتەگراتسيا مينيسترلىگىندە، يسم جاۋاپتى حاتشىسى ج.م. نۋپيروۆتىڭ توراعالىعىمەن، مينيسترلىكتىڭ قوعامدىق كەڭەسىن قۇرۋ جونىندەگى جۇمىس توبىنىڭ العاشقى وتىرىسى ءوتتى. بۇل تۋرالى primeminister.kz حابارلادى.

«وتىرىستى اشقان ج. نۋپيروۆ، قوعامدىق كەڭەستىڭ ءماجىلىس-كەڭەس بەرۋ الاڭى رەتىندەگى جۇمىسىنىڭ ماڭىزدىلىعىنا نازار اۋداردى. يسم جاۋاپتى حاتشىسى: «ءبىزدىڭ مينيسترلىكتىڭ ستراتەگيالىق باعدارلامالارىن قالىپتاستىرۋىندا قوعام مۇشەلەرىنىڭ پىكىرى ءبىز ءۇشىن وتە ماڭىزدى»، دەپ اتادى.

قوعامدىق كەڭەستىڭ قۇزىرەتىنە بيۋدجەتتىك باعدارلامالار جوبالارىن، مينيسترلىكتىڭ ستراتەگيالىق جوسپارلارىن جانە ولاردىڭ ورىندالۋىن تالقىلاۋ، نقا جوبالارىن ازىرلەۋگە جانە تالقىلاۋعا قاتىسۋ، قازاقستان رەسپۋبليكاسىنىڭ زاڭناماسىن جەتىلدىرۋ بويىنشا ۇسىنىستار ازىرلەۋ جانە تاعى باسقالار كىرەدى.

جۇمىس توبىنىڭ ءبىرىنشى وتىرىسىندا، جۇمىس توبىنىڭ مۇشەلەرى مەن بايقاۋشىلار، ونىڭ قۇرامىنا يسم-نە ءوتىنىش بەرگەن بارلىق قاتىسۋشىلار كىردى، ولار ساۋدا جانە ينتەگراتسيا مينيسترلىگىنىڭ قوعامدىق كەڭەسى مۇشەلەرىنىڭ سانىن انىقتادى. تالقىلاۋ ناتيجەسىندە، ۆەدومستۆونىڭ قوعامدىق كەڭەسىنە 10 ادام كىرۋى كەرەك دەگەن شەشىم قابىلداندى: مەملەكەتتىك ورگاننىڭ 3 وكىلى جانە كوممەرتسيالىق ەمەس ۇيىمداردىڭ 7 وكىلى. كونكۋرس كوممەرتسيالىق ەمەس ۇيىمداردىڭ وكىلدەرى، ون سەگىز جاسقا تولعان قازاقستان رەسپۋبليكاسىنىڭ ازاماتتارى اراسىندا وتكىزىلەدى.

قوعامدىق كەڭەس مۇشەلىگىنە كانديدات:

1. سوتتالعاندىعى بولماۋى;

2. سوت زاڭدا بەلگىلەنگەن تارتىپپەن سىبايلاس جەمقورلىق قىلمىس جانە (نەمەسە) سىبايلاس جەمقورلىق قۇقىق بۇزۋشىلىق جاساۋدا كىنالى دەپ تانىماعان بولۋعا;

3. پسيحيكالىق اۋرۋعا، الكوگوليزمگە، ناشاقورلىققا نەمەسە ۋىتقۇمارلىققا بايلانىستى دەنساۋلىق ساقتاۋ ۇيىمدارىندا ەسەپتە تۇرماۋعا ءتيىس.

كونكۋرسقا قاتىسۋ ءۇشىن:

1) كانديداتۋرانى قوعامدىق كەڭەستىڭ قۇرامىنا ۇسىنۋ تۋرالى كوممەرتسيالىق ەمەس ۇيىمنىڭ جازباشا ۇسىنىسى جانە (نەمەسە) ازاماتتىڭ ءوتىنىشى;

2) كانديداتتىڭ ءومىربايان دەرەكتەرىن كورسەتە وتىرىپ، كاسىپتىك جانە (نەمەسە) قوعامدىق قىزمەتى تۋرالى مالىمەتتەر ۇسىنىلادى.

قوعامدىق كەڭەس مۇشەلىگىنە كانديداتتار تۋرالى ۇسىنىستاردى 2019 جىلدىڭ 3 قىركۇيەگىنە دەيىن مىنا مەكەن-جايعا: نۇر-سۇلتان قالاسى، ەسىل اۋدانى، ماڭگىلىك ەل داڭعىلى، 8, «مينيسترلىكتەر ءۇيى» اكىمشىلىك عيماراتى، 7 كىرەبەرىسكە نەمەسە a.orazaliev@mti.gov.kz ەلەكتروندىق مەكەن-جايىنا جولداۋىڭىزدى سۇرايمىز. انىقتاما ءۇشىن: +7 (7172) 74-92-00, 8-776-827-32-26.

سوڭعى جاڭالىقتار