16 تامىز, 09:53 366 0 جاھان Túrkistan Gazeti

شەتەلدىك جۋرناليستەر ياساۋي كەسەنەسىمەن تانىستى

تۇركىستان قالاسىنا شەتەلدىك تىلشىلەر كەلىپ، قوجا احمەت ياساۋي كەسەنەسىمەن تانىستى، دەپ حابارلايدى قازاقپارات.

باق وكىلدەرىنىڭ قاتىسۋىمەن وتكەن مادەني ءباسپاسوز-تۋرىنىڭ ماقساتى - ەلباسى نۇرسۇلتان ءابىشۇلى نازارباەۆتىڭ «رۋحاني جاڭعىرۋ» باعدارلاماسىنىڭ «جاھانداعى زاماناۋي قازاقستاندىق مادەنيەت» جوباسىن حالىقارالىق دەڭگەيدە ناسيحاتتاۋ.

قر سىرتقى ىستەر مينيسترلىگى مەن مادەنيەت جانە سپورت مينيسترلىگى، تۇركىستان وبلىسى اكىمدىگىنىڭ ۇيىمداستىرۋىمەن وتكەن ساپار بارىسىندا UNESCO تىزىمىنە ەنگەن قوجا احمەت ياساۋي كەسەنەسى جانە ونداعى جادىگەرلەرمەن تانىسقان باق وكىلدەرى جەراستى قىلۋەتى، جۇما مەشىتىن دە ارالادى. اۋستريا، گەرمانيا، يتاليا، كورەيا، قىتاي، مىسىر، ۇلىبريتانيا، ءۇندىستان، فرانتسيا، شۆەتسيا، شۆەيتساريا سىندى مەملەكەتتەردىڭ، اتاپ ايتقاندا «Specchio Economico» (يتاليا), «Global Times» (قىتاي), «Le Figaro» (فرانتسيا), «Korean Broadcasting System» تەلەارناسى (كورەيا), «The Holiday Magazine» (ۇلىبريتانيا) 20-عا جۋىق جۋرناليست «ازىرەت سۇلتان» مەملەكەتتىك تاريحي-مادەني قورىق-مۋزەيىنىڭ ديرەكتورى احمەتجانوۆ نۇربولات قادىرۇلى جانە ارحەولوگ مامانداردان سۇحبات الىپ، پىكىر الماستى.

«جاھاندىق الەمدەگى قازىرگى قازاقستاندىق مادەنيەت» جوباسى شەڭبەرىندە ءتورتىنشى رەت وتكەن ءباسپاسوز تۋرى ءتۋريزمدى دامىتۋ جانە جالپى قازاقستاننىڭ دامىپ كەلە جاتقان مەملەكەت رەتىندەگى وڭ ءيميدجىن قالىپتاستىرۋعا باعىتتالعان.

سوڭعى جاڭالىقتار