16 تامىز, 09:46 388 0 رۋحانيات Túrkistan Gazeti

ەلوردادا باشقۇرت حالقىنىڭ «يىيىن» مەرەكەسى وتەدى

ەلوردادا باشقۇرت حالقىنىڭ «يىيىن» مەرەكەسى وتەدى، دەپ حابارلايدى قازاقپارات ەلوردا ينفوعا سىلتەمە جاساپ.

شارا باشقۇرتستان رەسپۋبليكاسى اكىمشىلىگىنىڭ «اكبۋزات» باشقۇرت ەتنومادەني ورتالىعى، نۇر-سۇلتان قالاسىنىڭ اكىمدىگى، نۇر-سۇلتان قالاسى قازاقستان حالقى اسسامبلەياسى، رەسەي فەدەراتسياسىنىڭ قازاقستان رەسپۋبليكاسىنداعى ەلشىلىگىنىڭ قولداۋىمەن وتكىزىلەدى. مەرەكەنىڭ ماقساتى – قازاقستاندا تۇراتىن حالىقتاردىڭ بىرلىگى مەن دوستىعىن نىعايتۋ، باشقۇرت حالقىنىڭ مادەني داستۇرلەرىن ساقتاۋ جانە دامىتۋ. 17 تامىزدا (18:00-20:30) نۇر-سۇلتان قالاسىنىڭ دوستىق ۇيىندە باشقۇرتستان رەسمي دەلەگاتسياسىنىڭ قاتىسۋىمەن دوڭگەلەك ۇستەل وتەدى.

سونداي-اق، ءتۇرلى ەلدەردەگى باشقۇرت دياسپوراسىنىڭ ونلاين-قوسىلۋى جوسپارلانۋدا. شارانىڭ ەكىنشى كۇنى 18 تامىزدا ساعات 17:00-دە ەلوردالىق «جەتىسۋ» ساياباعىندا «يىيىن» مەرەكەسىنىڭ سالتاناتتى اشىلۋى وتەدى. بۇل كۇنگى مەرەكەنىڭ قوناقتارى باشقۇرتستان وكىلدەرى، قر-داعى رف ەلشىلىگى جانە نۇر-سۇلتان قالاسى قازاقستان حالقى اسسامبلەياسىنىڭ مۇشەلەرى. مەرەكە بارىسىندا باشقۇرتستان، رەسەي ارتىستەرى مەن نۇر-سۇلتان قالاسى كوركەمونەرپازدارىنىڭ كونتسەرتى وتەدى. ويىندار، سپورتتىق جارىستار مەن كورمەلەر كۇتىلۋدە.

ايتا كەتەيىك، «يىيىن» - باشقۇرت حالقىنىڭ ەجەلگى ءداستۇرلى ادەت-عۇرىپتار مەرەكەسى رەتىندە ايرىقشا ماڭىزعا يە. ول جاز مەزگىلى مەن تەڭدىك بەلگىسى رەتىندە اتالىپ وتەدى. ەرتە كەزدەن «يىيىن» مەرەكەسى كەزىندە جاستار اراسىندا ءتۇرلى سايىستار وتكىزىلىپ، ونىڭ جەڭىمپازدارىنا ايرىقشا قۇرمەت كورسەتىلەتىن.

تەگتەر ەلوردا

سوڭعى جاڭالىقتار