15 تامىز, 16:42 346 0 جاڭالىقتار Túrkistan Gazeti

قازاقستاندا التىن ءوندىرىسى قاڭتار-شىلدەدە 3,3% ارتتى

قازاقستاندا 2019 جىلدىڭ قاڭتار-شىلدە ايلارىندا وڭدەلمەگەن جانە جارتىلاي وڭدەلگەن نە بولماسا ۇنتاق تۇرىندەگى التىن ءوندىرىسىنىڭ كولەمى 56 289 كگ قۇرادى. بۇل 2018 جىلدىڭ وسى كەزەڭىمەن سالىستىرعاندا 3,3% ارتىق، دەپ حابارلايدى قازاقپارات.

قر ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەگىنە سايكەس، ەسەپتى كەزەڭدە وڭدەلمەگەن جانە جارتىلاي وڭدەلگەن نەمەسە ۇنتاق تۇرىندەگى كۇمىس ءوندىرىسىنىڭ كولەمى 558 195 كگ-عا جەتتى. بۇل وتكەن جىلمەن سالىستىرعاندا 3% از. وڭدەلمەگەن اليۋميني، اليۋميني توتىعى ءوندىرىسىنىڭ كولەمى 2018 جىلدىڭ وسى كەزەڭىمەن سالىستىرعاندا 6,6% تومەندەپ، 965 179 توننا بولدى. ال وڭدەلمەگەن تازارتىلعان قورعاسىن ءوندىرىسى 10,3% پايىزعا ازايىپ، 79 534 توننانى، وڭدەلمەگەن مىرىش ءوندىرىسى 3,3% ارتىپ، 192 258 توننانى قۇرادى. وڭدەلمەگەن تازارتىلعان، قوسپاسىز مىس ءوندىرۋ كولەمى 3,4% پايىزعا ءوسىپ، 270 078 تونناعا جەتتى.

تەگتەر التىن

سوڭعى جاڭالىقتار