15 تامىز, 16:17 331 0 ءبىلىم Túrkistan Gazeti

ءسىم-دە ءبىلىم بەرۋ سالاسىنداعى ينۆەستيتسيالىق جوبانى تالقىلادى

سىرتقى ىستەر ءمينيسترى بەيبىت اتامقۇلوۆ «KinderWorld International Group» كومپانياسىنىڭ توراعاسى جانە باس اتقارۋشى ديرەكتورى ريكي تان تەك يونگتى قابىلدادى. بۇل تۋرالى ءسىم ءباسپاسوز قىزمەتى حابارلادى.

سينگاپۋرلىق كومپانيا قازاقستان اۋماعىندا حالىقارالىق دەڭگەيدەگى ءتۇرلى ءبىلىم بەرۋ مەكەمەلەرىن سالۋدى جوسپارلاپ وتىر. «Kazakh Invest» ۇك» اق ءبىلىم بەرۋ سالاسىنداعى العاشقى ينۆەستيتسيالىق جوباعا تولىق قولداۋ كورسەتىپ كەلەدى.

كومپانيا وكىلدەرى «KinderWorld Kazakhstan» سينگاپۋرلىق ۇزدىكسىز ءبىلىم بەرۋ مودەلىنىڭ ءبىلىم بەرۋ ورتالىعىن قۇرۋ: بالاباقشا – مەكتەپ – كوللەدج – ۋنيۆەرسيتەت» جوباسىن تانىستىردى. كومپانيا نۇر-سۇلتان، الماتى جانە شىمكەنت قالالارىندا پيلوتتىق جوبانىڭ ءۇش كەزەڭىن ىسكە اسىرىلۋىن قاراستىرادى.

«KinderWorld International Group» - حالىقارالىق ءبىلىم بەرۋ توبى. 1986 جىلى قۇرىلعان. كومپانيانىڭ نەگىزگى قىزمەتى - ۇزدىكسىز ءبىلىم بەرۋ جۇيەسىن دامىتۋ. 2000 جىلدان باستاپ كومپانيا ۆەتنام، تايلاند جانە مالايزيادا مەكتەپتەردىڭ قۇرىلىسىنا ينۆەستيتسيا سالدى جانە قازىرگى ۋاقىتتا 21 ءبىلىم بەرۋ ورتالىعىن باسقارادى.

سوڭعى جاڭالىقتار