15 تامىز 2019, 13:56 481 0 جاڭالىقتار Turkystan Support

7 ايدا 17 مىڭ شاعىم

جىل باسىنان بەرى مەملەكەتتىك ساتىپ الۋلار ۆەب-پورتالىن قولدانۋ اقىلى جۇيەگە اۋىسقانى بەلگىلى. ەلەكتروندى شاعىمدانۋ مۇمكىندىگى بەرىلگەن سوڭ ارىزدانۋ كولەمى ارتقان.

بۇل جايىندا قر قارجى ۆيتسە-ءمينيسترى رۋسلان بەكەتاەۆ ۇكىمەتتە وتكەن ءباسپاسوز ءماسليحاتىندا كەڭىنەن اڭگىمەلەدى. «قازىرگى ۋاقىتتا بارلىق ساتىپ الۋ پروتسەدۋرالارىنان 2% عانا زاڭبۇزۋشىلىق تابىلعان، ال بۇرىن ءاربىر ءۇشىنشى ساتىپ الۋدان قاتە تابىلاتىن. سونىمەن بىرگە، ۆەب-پورتالدا مەملەكەتتىك ساتىپ الۋلار ناتيجەسى بويىنشا ەلەكتروندى شاعىم قالدىرۋ مۇمكىندىگى ەنگىزىلدى. ەندى مەملەكەتتىك ساتىپ الۋلارعا شاعىم ءتۇسىرىپ، ونىڭ بارىسىن ۆەب-پورتال ارقىلى باقىلاۋعا بولادى»، – دەدى ۆيتسە-مينيستر.

ەلەكتروندى شاعىم ەنگىزگەنشە ورتا ەسەپپەن 2 مىڭ شاعىم تۇسسە. 2019 جىلدىڭ العاشقى 7 ايىندا ەلەكتروندى جولمەن 17 مىڭ ادام ارىزدانعان. بۇگىنگى كۇنگە دەيىن ىقتيمال جەتكىزۋشىلەردەن 3,6 ملرد تەڭگە تۇسكەن.

«مۇنداي ءوسىم كاسىبي «شاعىمدانۋ­شى­لار­دىڭ» پايدا بولۋىمەن دە بايلانىستى. ولار ءۇشىن ەلەكتروندى شاعىمدانۋ مەملەكەتتىك ساتىپ الۋدى ءۇزىپ، زاڭسىز پايدا كورۋ قۇرالىنا اينالدى. بۇل ماسەلەنى شەشۋ ءۇشىن قارجى مينيسترلىگى مەملەكەتتىك ساتىپ الۋلار تۋرالى زاڭعا شاعىمدانۋدى اقىلى ەتۋ تۋرالى وزگەرىس ەنگىزۋدى كوتەردى. بۇل تاجىريبە ەۋروپا ەلدەرىندە، ارمەنيا مەن گرۋزيادا جانە ۋكراينادا كەڭىنەن قولدانىلادى. سونىمەن بىرگە، قارجى مينيسترلىگى شاعىمدى قابىلداعان جاعدايدا تولەنگەن قاراجاتتى قايتارۋدى ۇسىندى. كەرىسىنشە، شاعىم نەگىزسىز بولسا، قاراجات بيۋدجەتكە كەتەدى»، – دەپ ءتۇسىندىردى سپيكەر.

 

سوڭعى جاڭالىقتار