15 تامىز, 16:27 387 0 ىشكى ساياسات "تۇركىستان" گازەتىنىڭ اۆتورلارى

ولجاس بەركىنباەۆ: ءاربىر ازامات ەل نە بەرەدى دەپ ەمەس، ەلگە نە بەرەمىن دەپ ويلانسا...

قازاقستان الەۋمەتتىك مەملەكەت. ياعني، ازاماتتارعا ءتۇرلى قولداۋلار مەن الەۋمەتتىك قامقورلىقتار جاسالىپ كەلەدى دەگەن ءسوز. ونىڭ ىشىندە ءتۇرلى بيزنەس باستاۋلار مەن ستارتاپتارعا دا كوڭىل اۋدارىلىپ وتىرعانىن ايتا كەتكەن ءجون. قوعام تاراپىنا دا جاسالىپ وتىرعان جاقسى باستامالار بار. بيىل ەلىمىزدە «جاستار جىلى» دەپ جاريالاندى. 4 ميلليوننان استام جاستىڭ ۇلكەن كۇش ەكەنى انىق. ەل جاستارى ءۇشىن بيىل ءبىرشاما جاعدايلار جاسالۋدا. ونىڭ ءبىرى – پرەزيدەنت ق.تو­قا­ەۆ مەملەكەتتىك باسقارۋ جۇيە­سىنە جاستار كادرلىق رەزەرۆىن جاساقتاۋدا. 1 قىركۇيەكتەن باستاپ، اتالمىش رەزەرۆكە قۇجات قابىلداۋ باستالادى. وعان 35 جاستان اسپاعان، جوعارى ءبىلىمى جانە كەمىندە 5 جىل جۇمىس ءوتىلى بار جاستار قاتىسا الادى ەكەن. وسىنداي مۇمكىندىكتەر تۇرعاندا ءاربىرىمىز ەلىمنەن نە الامىن دەپ ەمەس، مەن ەلىمە نە بەرەمىن دەپ العا ۇمتىلعانىمىز باسەكەلەستىككە تولى قازىرگى زاماننىڭ تالابى سەكىلدى.

سوڭعى جاڭالىقتار