15 تامىز, 15:15 348 0 بىلگەنگە مارجان "تۇركىستان" گازەتىنىڭ اۆتورلارى

تۇركى دۇنيەسىنە ورتاق مۇرالار جاڭارتىلماق

تۇركىستان قالاسىنداعى باستى 18 تاريحي-مادەني مۇرا نىساندارى جاڭارتىلماق. بارلىق تۇركى الە­مىنە ورتاق تاريحي ەسكەرتكىشتەرىمىزدىڭ قۇرىلىستارىنا جوندەۋ جۇمىستارى باستالىپ كەتتى.

 ەڭ الدىمەن الداعى 3 جىل ىشىندە قوجا احمەت ياساۋي كەسەنەسىنىڭ باستى كومپونەنتتەرى – ۇلكەن اقساراي، قازاندىق پەن قۇدىقحانا بولمەلەرى سول ءدا­ۋ­ىر­­دەگى  ۇلتتىق ەرەكشەلىگى ساقتا­لا وتىرىپ، تولىعىمەن قايتا قالپىنا كەلتىرىلەدى.

قوجا احمەت ياساۋي قابىرحاناسى ەكى قابات كۇمبەزبەن كومكەرىلگەن. قابىرحانا توبەسىن جا­ۋىپ تۇر­عان گانچتان جاسالعان ءور­نەكتى اشەكەي تومەنگى كۇم­بەزدى جا­سىرىپ تۇر. سىرتتاي قابىرحانا توبەسىنە بيىك بارابان ۇستىندە تۇرعان ءساندى 52 قاتپارلى، ديامەترى 10 مەترلىك كۇمبەز ورناتىلعان.

ۇلكەن اقساراي – قازاندىقپەن، كىشى اقسارايمەن دالىزدەر ار­قىلى جالعاسادى. دالىزدە ەكىن­شى قاباتقا شىعاتىن باسپالداق بار. اقساراي كەيىننەن حV-ءحVى عاسىرلاردا قازاقستان مەن ورتا ازيا ساۋلەت ونەرىندە العاش رەت پايدالانعان اركالاردىڭ قيىلىسۋ كونسترۋكتسياسى رەتىندە قولدانىلعان، سوندىقتان بولمە قۇرىلىسى ءوز زامانىنداعى اسا باعالى ساۋلەت ەسكەرتكىشى بولىپ تابىلادى.

قۇدىقحانا – قازاندىق پەن ءدالىز ارقىلى بايلانىستى عيماراتتىڭ شىعىس جاعىنداعى، مۇناراعا كوتەرىلەتىن باسپالداعى بار بۇل شارشى بولمە وڭتۇستىكتەگى شۇعىل ويىق ەسەبىنەن سوزىلىڭقىلاۋ بولىپ كورىنەدى. قۇدىقحانانىڭ اتى وسىنداعى قۇ­دىقپەن بايلانىستى. قۇدىق قۇ­رىلىس كەزىندە سۋ الۋ ءۇشىن قازىلعان دەگەن جورامال بار. قۇدىق اينالدىرا، دوڭگەلەتە كىرپىشتەن قالانعان. ديامەترى – 80 سم. اتالعان قۇدىقتان سۋ الىپ، تايقازاندى تولتىراتىن بولعان.

 

سوڭعى جاڭالىقتار