15 تامىز, 12:05 376 0 قوعام "تۇركىستان" گازەتىنىڭ اۆتورلارى

مولداحمەت قاناز: ماسەلە اتىندا ەمەس، زاتىندا

قازاق ىشىندە اقساقالدار ينستي­تۋتى قازان توڭكەرىسىنە دەيىن شاما-شارقىنا قاراي، مەملەكەتتىك بولماعانمەن، تۇرمىس­تىق دەڭگەيدەگى ماسەلەلەردى رەتتەستىرىپ وتىر­عاندىعى ءمالىم.

ال كەڭەس وكىمەتى تۇسىندا مەملەكەت بار بيلىكتى قولىنا الىپ، ولاردى شەتتەتكەنى بەلگىلى. الايدا تۇر­مىستىق، رۋلىق، اۋىلدىق قاتىناستا بۇل مارتەبە جويىلعان جوق. بيلىك دارەجەسىندە بولماعانمەن، ەل ارا­سىندا اقىل-كەڭەستىك دارەجەدە ءىزىن جوعالتپاي كەلەدى. بىرەن-ساران جاعدايدا پەندەشىلىك جايلار كەزدەسىپ قالعانى بار دەسەك تە، اقساقالدار ءبۇلدىرىپتى دەگەندى ەستىگەن جوقپىز.

جوعالعان نارسەنى قايتا قالپىنا كەل­تىرۋگە بولا ما؟ ماسەلەنىڭ ءتۇيىنى وسىندا.

قازىر مەملەكەتتىك باسقارۋ جۇيەسى شاما-شارقىنشا جۇمىس ىستەپ تۇر. انىعى، بۇل جۇيە اقساقالدىڭ اقىلىنا ءزارۋ ەمەس. اقساقالعا ءزارۋ اسا كۇردەلى ءىس – مەم­لە­كەتى­مىزدىڭ تۇبەگەيلى دامۋ باعىتى. اقساقال­دا­رىمىزدىڭ بار جۇمىسى وسى جەردە.

ماسەلەن، شەتەلدەگى قانداستارىمىز­دىڭ ەلگە جەتكىزۋدىڭ قارقىنى نەگە ءبا­سەڭ­دەپ قالدى؟ قازاق وسۋگە ءتيىستى ەمەس پە؟ ءالى كۇنگە دەيىن نەگە مەملەكەتتىك يدەولو­گيا­نىڭ تۇ­عىرى انىقتالماعان؟ گەندەرلىك ساياسات دەگەن ايەلدىڭ اتقا ءمىنۋى مە؟ وتاعا­سىنا كىم قارايدى؟ كىم ۇرپاق ءوربىتىپ، تاربيەلەيدى؟ اسا قاتاڭ قان­ىشەر­لەر – جاس بالالاردى زورلاۋ­شىلار مەن مەم­لەكەت قارجىسىن  ۇرلا­عان­دارعا نەگە جازا جەڭىل؟ جۇمىس­سىزدىقتى قالاي ازايتامىز، تاعىسىن تاعىلار....

«جينالىستاردى ازايتۋ ماسەلەسىنە جي­نالىس اشايىق» دەمەكشى، ماسەلە نەنىڭ بولسا دا، اتىندا ەمەس، زاتىندا.

مولداحمەت قاناز،

جازۋشى، حالىقارالىق «الاش» ادەبي سىيلىعىنىڭ لاۋرەاتى

سوڭعى جاڭالىقتار