14 تامىز, 20:59 198 0 ايماق Túrkistan Gazeti

كوكشەتاۋدا «وقجەتپەستىڭ» 19 جاستاعى ويىنشىسى كوز جۇمدى

كوكشەتاۋدا «وقجەتپەس» فۋتبول كۋلبىنىڭ 19 جاستاعى ويىنشىسى كوز جۇمدى، دەپ حابارلايدى قازاقپارات.

فۋتبول كلۋبىنىڭ سايتىندا مارقۇمنىڭ تۋىسقاندارىنا كوڭىل ايتقان. «جاقىندارىڭ مەن تۋىسقاندارىڭان، دوستارىڭنان ايىرىلۋ وتە اۋىر. جاستاردىڭ، دەنى ساۋ جانە مىقتى جىگىتتەردىڭ ارامىزدان كەتۋى تىپتەن قيىن. «وقجەتپەس» فۋتبول كلۋبىنىڭ ۇجىمى رومان ءزيۋزيننىڭ ومىردەن وتۋىنە بايلانىستى جاقىندارى مەن تۋعان-تۋىستارىنا قايعىرىپ كوڭىل ايتادى. رومان كوكشەتاۋ فۋتبول كلۋبىنىڭ تاربيەلەنۋشىسى، «وقجەتپەس» جاستار كومانداسىندا ويناعان»، دەلىنگەن جازبادا.

فۋتبول كۋلبىنىڭ ءباسپاسوز قىزمەتى راستاعانداي، 19 جاستاعى رومان زيۋزين ەكىنشى ماۋىسىمدا «وقجەتپەس» جاستار كومانداسىندا ونەر كورسەتكەن. دارىگەرلەر فۋتبولشىنىڭ ءولىمى سەبەبىن، دارىگەرلىك قۇپيا دەپ اشىپ ايتپاي وتىر.

سوڭعى جاڭالىقتار